Hêvî û jiyan
Kevoka spî
Kevoka spî li jorê
bi fira xwe di bilindahiyê de
li bin konê asmanê şîn
bi birîndariya çengê xwe
li hêlînekê, nerm û bê tirs, digere
Dema tu liqasî wê kevokê bibî
birîna wê zêdetir kûr neke berde,
bila ew li rêya xwe here
loma ew, ne li gorê, lê li jînê digere
Eger şiphe ket dilê te jî
bêhnferehiyek bide ser dilê xwe
û li sitrana wê guhdarî bike
ku tu derd û kulên wê bibihîzî
çawa ew ji sedema evînê birîndar e
Eger şipha te hê jî ji dil ne çû
li çavên wê yên melûl binêre
gotinên zêrîn tev hêviyan xuya dikin
qet nebe wan bixwîne û bawer bike
| 
