Ziwanê ma, Alfaba
Haydar Diljen
Diljen
Na fina siftî ya ki bi dimilî (kirmanckî/ kirdkî/zazakî) kitabêndê dersi o yo bi no awa ya vijêno.
No kitab bi alfabada Celadet Bedirxanî ya ameyo nuşteni û dimilîya/kirdkîya çoşmedê Sewregi esas ameya giroteni.
Kitab, di qismî yo. Qisimdo sifteyên di her herfê rê di riperrî ameyê abirnayiş. Yanê 31 herfan rê 62 riperrî ameyê hazirkerdiş. Peynîda nê kismî di ca deyayo Atablodê rêzda alfaba.
Qisimdê didini di, ca deyayo çend tek-stan. Him nê tekstan miyan di û him zî riperrandê verênan di ca deyayo çend tek-standê dimilî ê folklorîkan zî.
Weçînayişdê cumlan û tekstan di tayn temay û çiyê bînî zî çiman vero ameyê girotiş. Mesela: demserrî, rojê heftî, ser-sali, roşan, keye, Newrozi, meywe, zerze-wat, sinasnayişê folklorî, embazey, welat-perwerey...
Dinya di heme çî yo virêno. Dinyayê ewroy zey ê vizêrî niyo û ê meşti zî do zey ê ewroy nêbo. Welatê ma û milleta ma zî a ya xeylê virêna. Ewro hinî karek-terê milletda ma dewijey niya.
Milleta ma a ya dewîjey ra vijêna bena şaristaniji. Ciwiyayişê (heyat) şaristanan (sûkan) zî bi -xo ya tayn aleqey, qîmet û krîterê newey ardî. H. Diljenî, nuştiştê “Alfaba” di nê virnayişê milletda ma girotê xo çiman ver. Mesela “Alfaba” di tenya lajekî nê; keynekî zî şinê mekteb, topi kay kenê pisqilêti ramenê, asnaw kenê...
Qandê ki dimiliyê ( kirdê/ kirmancê/ zazayê) mintiqandê bînan zî bişê nê kitabî weş fam bikerê, peynîda kitabî di ca deyayo lîstada kelîmandê sînonî-man(jûmane/ yewmane).
Ma hêvî kenê ki no kitab herûna îhtîy-acê pir kerro û di rayda kitabandê hewna erjiyayan di bibo çilayênda werdî. | 
