The Kurdish Digital Library (BNK)
Retour au resultats
Imprimer cette page
Journals Journals

Nûdem, hejmar 2


Editor : Beybûn Date & Place : 1992, Morgongåva
Preface : Firat Cewerî Pages : 110
Traduction : ISBN :
Language : KurdishFormat : 160x235 mm
FIKP's Code : Liv. Ku.Theme : Literature

Presentation Table of Contents Introduction Identity PDF
Nûdem, hejmar 2

Versions


Nûdem
Kovara hunerî, edebî û çandî

Remzî, resamê rengen girtî

Berî niha bi çendekê, min romana Gertrude Stein "Çîroka jiyana Alice B. Toklas" (The Autobiography of Alice B. Toklas) xwend. Gertrude Stein, nivîskar û şahîr, ji Yekîtiya Amerikan bû, lê wê piraniya umrê xwe li Fransê û Parîsê derbas kir. Ew di vê romana xwe de, bi devê hevala xwe Alice B. Toklas, bi bedewî behsa jiyana civakî ya Parîsê, di salên 1910-30 an de. dike. Ew hevala nivîskar, şahîr û hunermendên mezin mina Pablo Picasso, Henri Matisse, Braque, Juan Griss, Guillaume Apollinaire, Ernest Hemingway û h.w.d. bû. Di romana wê de. taxa Montmartê cîhekî esasî digire. Ji ber ku Montmarte hingê cîh û warê nivîskar û hunermendan bû. Piraniya wan li wir dijiyan. her şev li wê derê şênahiyek hebû. Modernizm, kubizm, dadaizm, surrealizm li wir ava dibû û dikemilî.

Lê paşê, dewr û dewran guherîn. Çaxa ew nivîskar û hunermend bûn navên navneteweyî hatin nasîn û cîh û malên wan bûn seyrangeha tûrîstan, wan ji wir bar kirin, di ser piran re derbas bûn û çûn aliyê rojava yê çemê Seinê, aliyê Germain des Pres, Saint Michel. Quartier Latin û Montparnassê. Jiyana edebî û hunerî, îcar, li vî milê Seinê şên bû. Îro jî hê wisan e; piraniya nivîskar, şahîr, huncrmend û ronakbîrên Parîsê Montparnasse, bi taybetî piştî şerê cîhanê yê duwemîn, bû warê hunermend û ressaman. Gelek mal guherîn û bûn atêlyê ressaman. Bi dehan, sedan bar, restourand, qahwexane û salon vebûn. Nemaze qahwexana Le Select û restourana La Coupole bû navenda hunermendan. Lê gava dinya pê hesiya ku hunermend derin wan deran. ew der jî bûn cîhê tûrîstan...

Mehmet Uzun



Foundation-Kurdish Institute of Paris © 2024
LIBRARY
Practical Information
Legal Informations
PROJECT
History & notes
Partenaires
LIST
Themas
Authors
Editors
Languages
Journals