DERHEQA AVOTRDA
Nûrîyê Hîzanî (Hovakîm Mark'aryan) s. 1896 li qeza Hîzanê gundê Xakêvêda ji dya xwe bûye.
Xwendina xweye bilind Êrêvanêda stendye. Hevalê Nûrî salêd t'estîqbûna huk'umeta sovêtîêye Ermenîstanêye pêșinda êpêce xebat kirye di dereca pêșdaçûîna medenîeta cimae'ta k'urdada. Salêd 1929-1937-da Nûrî Têxnîkûma K'urdaye Pêdagogîêye tezeteșkîlbûyîda xebitîye çawa dersdar û wêr'a t'evayî gele k'itêbêd dersa bona șagirtêd k'urda tercimekirye.
Nûrî bi dil û eșq e'mrê cimae'ta k'urdar'a girêdaîye. Xwendevanêd k'urdar'a Nûrî usa jî e'yane çawa nivîsk'ar û șaîr. Sala 1935-a r'onaîdibîne berevoka serhatyêd wî bi sernivîsa "Șeveqa sibê".
Nûrî ber ç'e'vê xwe dîtye e'mrê cimae'ta meye zelûlîyê berî r'êvolyûsîaê û e'mrê wêye gulveday pey r'evolyûsîa oktyabrêr'a. Poet șiêrêd xweda h'îmlî derhega e'mrê cimae'ta sovêtîêye îroînda dinivîse, destanînêd mer'a șa dibe ("T'uran", "hrazdan", "T'êlî", "Kazaxstan").
Avtor syûjêa çend șiêrêd xwe ji folklor û terîqa cmae'ta k'urda hildaye; ew șiêrêd wî derheqa șer'k'arîya cimae'ta k'urda miqabilî zeftekçîêd R'omê û welatêd dindanin. ("Dêrsim"), derheqa biratya du mile-têd cînardanin-ermenîya û k'urda ("Mîrê Miksê").
çend șiêrêd berevokê derheqa evîntîêdanin.
Ê. Bek'oyêva
QUR'LT'A MEȘÛR
Șewq alavê steyrkêd r'engîn Li p'aytextê me p'er'vedan; Ew qur'lt'a partya Lênîn, Bi bejna xwe hate meydan. Bejnblindê bi zendê zerb Zendêd mîlîon p'ale, gundyan, Ku șên kirin qûm û qir'ac Bi xêr û be'r û gulistan. Dengê mator û mașînan, Dertê h'eta e'rșê e'zmîn. Firqa usa eșq û guman P'eyda nabe li vê dinyayê: Ew r'êbarê t'arîx zeman Em derxistin ber șeveqê Zivr'andîye çerxê zemîn Berbi r'ya komûnîzmê. Evê nêt û qirara Lênîn Û merema vê qur'lt'ê. Ji dinê hildin zor bû zulmî Mletbazyê h'ezar r'engî, Nislê t'eze hatne meydan Bi r'ukh'û dilê Lenînî. Her der xebat û e'dlayî.
.....
|