Hemedok, Estanikanê Gimgimî ra

Auteur :

Présentation	Table des Matières	Introduction	Identité	PDF
Hemedok, Estanikanê Gimgimî ra Huseyîn Ballikaya Vate Ano astorêde xu yo rind cêno, heqîpê zerna, pera cêno qatê kî kincanê rinda dano xo ra beno aspar. Heqîbê xo erzeno pê xo, sare keno qurbanê ninga şono. Hemedok şono, fetelîno êndî ke çiqa waxt şono serê ra nêno zanitene. Êndî hênî bîyo ke nêno naskerdene. Kincî ser o dirîyê, solî ninge de nimendê. Dukan, qewa, çê pêro vîr a şîyê. Heqî ra dexalet keno vario "piranê non bibo ez burî" Nîya şono, şono bajarê cinîka xo de vejîno. Nizano bajaro ke a tede der a o wo. Şono hînî ser a nîşeno ro berbeno. Nîyadano pîyayê nawo astor ard hînî ser a axwe dano ci. Kincê xo dirayî yê, cokê xo keno qapat qor vejîno, qor keno qapat, herme vejîno. .....



HEMEDOK Beno nibeno waxtê de mordemê beno. Namê xo Hemedok o. No Hemedok zaf feqîr beno tawayê xo çîn o. Vazeno ra sarê xo keno qurbanê ninganê xo vano "o ke ez natka (tîya) letê nonê bi rehetîye nivînena, ez §orî risqê xo ra cayêde bîn de bicêrî." Şono şono welatêde vejîno, vano "ez xo rê nê welatî de bixebetî, xo rê none burî." Roje ey rê xebatîno, roje ê bîn rê xebetîno. Xo rê orxanê cêno, tasike cêno, tede werdene weno. Demligê cêno, nîya hêdîhêdî xo rê tayê çîyê cêno, peyê cû ju oda kîra keno. Oncîya nata xebetîno bota xebetîno xo rê derbaz keno şono. Nîya xeylê waxt §ono Hemedok xebetîno. Hemedokê ma natka bixebetîyo ma §îme bajarêde bîn. No bajar de çêna paşayî teba alvozanê xo §onê kaleka denîzî. Tayê ke ser a derbaz beno pîyayê §ono vano: .....