| WENDOXAN RÊ
Wendoxê delalî,
Bi pistîdayîsê sima, ma bi rîsipênî hûmara pancasine ya kovara Vateyî zî resnaye sima. Bêguman tena seba Vateyî ney, kamcîn kovare bena a zana, wesanîyayîsê hûmara pancasine hedîseyêko zaî gird o. Coka heqê ma esto ke ma bi wendoxan, nustoxan û destekdayoxanê kovara xo îftixar bikîn. Na kovare netîceya aqil, rence û îdealanê ma yê musterekan a. Helbet sey redaksîyonî ma zaî bextîyar îme ke amadekerdis û wesanayîsê na hûmare bi qismetê ma.
Wendoxê delalî,
Seke sima zanî hem seba pîrozkerdisê hûmara 50. ya Vateyî hem zî seba berzkerdisê qedr û qîymetê nustisê kirmanckî (zazakî), Grûba Xebate ya Vateyî kombîyayîsê 29. de qerar da ke yew musabeqaya hîkaye û sîîranê kirmanckî amade bika. Hêdî hêdî eserê nustoxan resenê adresa xelate. Eserê musabeqa tewr berey ganî 28ê sibata 2017î de bêrîn adresa “Xelata Kovara Vateyî”. Ma wazenîme bîyarîme sima vîr ke wext leze sino, sima eseranê xo çend rew bisawîn karê ma hende asan beno.
Seke sima vînenî na hûmara ma hetê muhtewa ra ê hûmaranê verênan ra tikê cîya ya. Ma wast her di serredaktoranê xo yê verênan M. Malmîsanij û Munzur Çemî reyra roportaj bikîn ke wendoxê ma hem kar û xebatanê înan hîna nêzdîye ra nas bikîn hem zî kovara Vateyî zî tede prosesê kirmanckîya nustekî ser o fikrê înan bimusîn. M. Malmîsanij seba çinbîyayîsê wextî ra nêsîya cewabê persanê ma bido labelê roportajê Munzur Çemî na hûmare de ca gêno.
Derheqê kovare de fikir, vînayîs û pêsnîyazê nustox û wendoxanê kovare zî ma rê zaf muhîm ê. Coka ma tayê wendoxan û nustoxanê Vateyî ra derheqê kovare de fikrê înan persay. Nê embazan ra her yewî perspektîvê xo ra hem derheqê kovare de û hem zî rewsa kirmanckîya nustekî ser o gelek fîkir û pêsnîyazê maqulî îfade ...
Keyeyê sima awan bo!
Serredaktor û redaktorê ma yê birêzî,
Sima bi xebata xo ya dergûdilaye xo ra pey mîrasêko kulturî, edebî û ziwanîyo zaf erjaye verda. Ma nê mîrasê sima sey rosnaya çimanê xo pawenê (seveknenê). Ma kar û xebata Vateyî de gelek cayan de rastê rêça sima yenê. Sima bi zanayîsê xo, bi qerardarîya xo û bi xebata xo ya bêmabêne rayîr ma ver de wes kerd û cesaret da ma ke ma sima ra pey na xebate bidomnê.
Sima kovara Vateyî de zaf kede werde, zaf betilîyay! Sima karo pîl û sinik nêvat, seba aversîyayîsê ziwanê ma çi sima ra ame, sima texsîr nêkerd.
Sima na kovare de bi serran nust û hema zî nusenê, sima nusteyî redakte kerdê û karê pratîkê bînî organîze kerdê. Na kovare bê kede û renca sima caran heta ewro nêameynê. Ma sey redaksîyonê kovare hertim hîs kenê ke sima heme hawayî ra destek û pistî danê ma.
Xebata na kovare, sima hewnê sewan ra, nurê çiman ra, sewe û sayîyan ra kerdê. Coka heme wendox, nustox û sînayoxê kovara Vateyî deyndar û sipasdarê sima yê!
Keyeyê sima hezar reyî sên û awan bo!
Redaksîyonê kovara Vateyî
16.11.2016
..... | 
