Zimanê Kurdî (Kürt Dili)

Zimanê Kurdî (Kürt Dili)

Nurettin Karacadağ

Doğuş

Xebat û lêkolina Nûredîn Qerejdax (Nurettin Karacadağ) li ser zmanê Kurdî, wisa xuay ye ku ji kûr û dûr tê. Jîneke drêj î heftê û heft şalî di vê rê derbasbiye. Zarokatiya wî lı gundekî Qerejdaxe, di nav berf û baravê de, di nav col û keriyên pez de, di nav gıya û kulilkan de dest pê kiriye. Di pey re xortaniya wî li bajarê Amed'ê û di xuendevaniyê de li Stanbol'ê dom kiriye. Paşê, mühendisi li rohilat û roava û li bakurr û başûrê Tirkiyê...

Lê, tim û tim li her derê, evîna zmanê Kurdî, zar û zaravê dayika wî, peyv û gotinên Qerejdaxî, tenik û hênik mina baê stêra sibê, di dil û mejiyê wî de cî girtiye... Mina ava di binê erdê de bixizine, wisa bi dizi, wisa di kûr de li ser zman xebitiye û xebitiye...

Ev pirtûka ku vêga di destê we de ye, bi ked û xwêdana sal û zemana hatiye nvîsandin.

.....