Dîwana hestiyan
Erd Agron
Aryen
diviya biliata devbaskirin ev sînor qelenê elendên bi zeraqên rojê xemiliye diviya bihata binpêkirin ev zagon şikandina destnimêja qedera li ser kêlikan hatiye nivîsandin diviya ji striyên polayî biniqutiya hindik hindik xwîn polîtîk e...
me birînên hev dialastin di bin barana xezebê de temenê me sê şev û sê roj (em tim leqayî yên ji me emirkintir dihatin pirpirokên evînê sûc dijîn pirpirokên sînoran) di sewgura sibehê de em can didin can polîtîk e...
Erd Agron, li girava bi navê Kosê bi her du xwişkên xwe yên bi navê Byssa û Meropîs re jiyaneke dilperest dijiya. Agron û xwişkên wî ji xwedawenda axê pêştir ji tu xwedayî re rêz nedigirtin. Ji ber vê sekina wan, hemû xweda bûn yek û biryar dan ku Agron û xwişkên wî bêne cezakirin. Cezayê wan hat birrîn. Xwedayan Meropîs dagerand bûmekî, Byssa bû qaqlîbazek û Agron jî bû tîtirwaskek. Bavê Agron, Eumelos jî kirin qijik. Li gor hin gotinan Agron bi cezayê ku lê hatiye birrîn netebitiye û hîn jî wek berê difikire.
Helbest, çîrok û nivîsên wî di gelek kovar û rojnameyan de hatine weşandin. "dîwana hestiyan’’ pirtûka wî ya yekemîn e. |