La bibliothèque numérique kurde (BNK)
Retour au resultats
Imprimer cette page

Nûdem, hejmar 15


Auteurs : | | | | | | Multimedia | | | | | Multimedia | | | | |
Éditeur : Nûdem Date & Lieu : 1995, Järfälla
Préface : Pages : 114
Traduction : ISBN : 1103-1964
Langue : KurdeFormat : 160x235 mm
Code FIKP : Liv. Ku. Thème : Littérature

Présentation
Table des Matières Introduction Identité PDF
Nûdem, hejmar 15

Versions

Nûdem
Kovara hunerî, edebî û çandî

Mir Kamiran Alî Bedir-Xan

Rojan Hazim

Gava Firat Cewerî, ji bo kovara Nûdemê pêşniyara ji nû ve weşandina birek ji pêşgotina rojnama Stêr ya li ser Mîr Kamiran kir -Stêr, çapa nû, Weşanxana Xanî Bateyî, 1992, Danmark- ; me careke dî çav lê gerand ku hindek kêmasiyên zimanî serast bikin. Lê belê, xûya bû ku ji paragrafa "Portreya Kamiran Ali Bedir-Xan, -rûpel 12-" destpêkirin dê tevayiya nivîsarê kem bike. Lewma, me ji navbira "Birayên Bedir-Xanî: Mîr Celadet û Mîr Kamiran" destpêkir. Ya rastî jî heke mirov bixwaze taybetî li ser Mîr Kamiran jî binivîse, heta mirov li ser Mîr Celadet çend gotina neke mirov nikare yekser derbazî ser gotina Mîr Kamiran bibe. Jiyana van herdu bira ji gelek aliyan ve pêkve girêdayî ye. Vêca bi kurtî jî be; em dê ji gotina "li ser herdu bira" dest pê bikin û paşê jî gotinê bi firehî bînin ser Mîr Kamiran.

Birayên Bedir-Xanî: Mir Celadet û Mir Kamiran

Binemaleke jîr, kêrhatî, rûspî, serbilind, dilêr; xwenda, têgihiştî, zana; û digel hinde xasyetên herî baş û qenc derece yêk welathez û parêz... (Têkçûyîn û xwe berze kirina hindek kesên vê binemalê, bi giştî xasyeta baş ya vê binemala ku di her keysî da ji bo Kurdistaneke serbixwe serhildane, xirab nake û herweha sihê li kiryarên welatparêz yên binemalê jî nake.)

Binemala Bedir-Xaniya, binemaleke boş, mezin û fireh e. Nifûsa vê binemalê temetî gundekî adetî yê Kurdistanê dike...

Lê belê, îro danîna dara secera binemala Bedir-Xaniya gelek dijwar e. Ji ber ku ev binemale di serî da ji aliyê dewleta Osmanî û paşê jî îdara Jontirka û dawiyê jî ji aliyê hûkmeta Kemalîst ya dewleta Tirkiyê ve hate belav û derbeder kirin... Endamên jîr û kêrhati yên vê binemalê berbelavî rojhilata navîn û Ewrupeyê bûn. Paşnavê yên li Tirkiyê mayî hate guhartin û gelek neheqî lê hatin kirin. Bi kurtî dewleta Osmanî û paşê jî ya Kemalîst hemû zulm û teda kir ku nav û dengê vê binemalê bête birandin û ji bîr kirin... (Piştî weşandina nû ya rojnama Stêr ji aliyê me ve; nivîskar û lêkolîner Malmîsanij pirtûkek li ser binemala Bedir-Xaniya bi tirkî weşand Li ser binemalê hindek agandariyên fireh hatine dan. Navê pirtûkê: "Cizira Botanli Bedirhaniler" e. Weşanên Apec, Swêd 1994)

Kamiran A. Bedir-Xan li ser bapîrê xwe Bedir-Xan Paşa wisa gotiye : "Li gor gotina 99 zarokên bapîrê min hebûne... Lê ev tişt baş tê zanîn ; gava wî wefat kir, 21 law û 21 ...


Identité

Nûdem

No: 15, 1995

Kovara hunerî, edebî û çandî

Xwedî û berpirsiyarê gitî: Firat Cewerî

Hejmar 15, Payiz: 1995

Şerdên abonetiyê (salek)
Swêd: 190 Sek
Welatên din: 50 $
Institution 260 Sek

Postgiro: 636 36 15-1

ISSN: 1103-1964

Wêneya bergê: Amand v. Schwiger-Lerchenfeld, Die Fraun des Orients
Wien & Leipzig, 1904.
Ev wêne ji arşîva Rohat Alakom hatiye girtin.

Pergala berg û rûpelan: Nûdem

Nûdem kovareke serbixwe û Kurdistanî ye, ferqiyetê naxe navbera nêrîn û îdeolojiyên kurdan, ji dijminatiya kes û rêkxistinan dûr e, rûplên wê ji hemû nivîskarên kurd re vekirîne.

Hevker:. Mehmed Uzun, Nacî Kutlay, Rohat, Zeynelabidîn Zinar, Xelîl Duhokî, Hesenê Metê, Husên Düzen, Sebrî Botanî, Haviz Qazî, Şahînê Bekirê. Soreklî, Bedirxan Epözdemir, Tosinê Reşîd.

Navnîşan:
Termov. 52 2tr
175 77 Järfälla-Sweden
Tel û fax: 8-583 564 68




Fondation-Institut kurde de Paris © 2024
BIBLIOTHEQUE
Informations pratiques
Informations légales
PROJET
Historique
Partenaires
LISTE
Thèmes
Auteurs
Éditeurs
Langues
Revues