Mêşa dengize

Mêşa dengize

Murat Çîçek

Vate

Nafa kî dora min a. Bira hawtayê petagê mêşê ma bî. Pîyê mi şand bi şand mêşî pêro mordêne, mêşî şîyêne zere. Rojê mordî. Nîyada ke Mêşa Dengize teyî çîn a. Pîyê mi ard venga maya mi da. Maya mi ra va, "Erê çênê mi rê zên, gem û dîkî bîya. Mêşa maya Dengize teyî nîya." Pîyê mi ard dîk zên kerd, nîşt ci, tekit şî ere Mêşa Dengize fetelîya. Pîyê mi şî ke çi şoro, mêrikî ha wo Mêşa Dengize eşta gamêşî ver pê cite rameno. Pîyê mi şî dest ra gurete. Gurete arde çê. Verê çêverî de bî pîya. Zên dîk ser a na ro ke tewww ke çi nîyado, piştîya dîkî bîya kul. Maya mi ra va ke, "Erê çênê axwe bîya ma nê dîkî bişume." Aye kî ci ra va, "Bicê ma berîme verê çirtike de bişume. Ard berd verê çirtike. Aye pêguret, ê kî şut. Pîyê mi uca verê vaye ra punc qilayna ra na re piştîya dîk ser. Oxro ke a çirtike de non şuto, heb rişîyo wertê ê puncî heb te der o. Pîyê mi rojê şî ke çi şoro piştîya dîk ser o hêgayêde henên wuşto ra, nonêde henêno ke.

Murat ÇÎÇEK, 1985 de Dewa Goşkarî ya Gimgimî de ameyo dinya. Wendişê xo hetanî lîse Gimgim de temam kerd. 2005-2009 de Unîversîteya Giresunî de beşê edebîyatî wend. 2009 ra hetanî 2013 Gimgim de mamostayîye kerde. Serra 2013 de Unîversîteya Artuklu ya Mêrdinî de ziwanê kurdkî (zazakî/kirmanckî) ser o masterê bêtezî qedena. Nika masterê bitezî waneno û Mêrdîn de ciwîyeno. Reya verêne rojnameya Newepele de şör û estanikê ey weşanîyayî.

Tedeyi

Nîsko / 11
Selikûpelik / 15
Hîrê çênê pêxamberî / 17
Mêşa dengize / 19
Pelûlû dane / 21
Bîlig û dîlig / 23
Eskenderê zîlqenderî / 27
Çewres û jû qetl / 31
Helba xêxe / 33
Jû dizd / 37
Bêveng / 41
Dizdênî / 49
Paşa û di lajê xo / 53
Pîre û lajî / 59
Şemdane / 69
Kutik û pisinge / 85
Şayê mora (Hekîmê Loqman) / 99
Mezela sîyaye doçiko qol / 107
Kose / 113

NÎSKO*

Beno nibeno jû mêrik û cênike benê. Domanê xo çîn benê. Nê teknenê §onê çê axayê vanê:
-Domanê ma çîn ê.

Vano:
-Domanê şima çîn ê raya qolayîye esta. Şan de kulmê nîska berzê raştê çê xo ra, şodir wurzê ra ke domanê şima estê.
Mêrik û cênike ra teknenê §onê çê xo. Mêrik ano kulmê nîska erzeno ra§te ra. Şodir wurzenê ra ke çîlî-vîlîya domanan a, domanî kay kenê. Mêrik vano:
-Cênikî ez nawo §on cite. Mi rê non bide domana biruşne.

Vana:
-Heya.
Mêrik tekneno șono. Cênike ana kar-marê xo dana arê. Sajî nana ser non pojena. Non ke pojena domanî jû uja ra vano, "Dayê non!", jû uja ra vano, "Dayê parîyê non!", o bîn vano, "Dayê ez vê§an!", o bîn vano, "Dayê piranê non!" Cênike vana, "Nîna go§ê mi berdî." Hama wurzena ra gezik cêna runa de, nîna kena binê sajî ra. Kena binê sajî ra nonê xo pojena wurzena ra vana:
-Waxxx mi qey jû nêverda pîyê xo rê non bero!

Eke hîn vana hama jûkek vano:
-Dayê ez nawo îta binê kuçe der a mi veje ez pîyê xo rê non berî.
Cênike kuçe dêm dana binê kuçe ra vejena. Ana non kena heqebe erzena herî ser, girêdana. Nîsko vano:
-Dayê de mi kî bike goșê herî.

Bena piro ê kî kena goșê herî. Nîsko raye ra §ono nîyadano ke çênê hayê §onê tezekanê yabana. Nîsko vano, "Koçê qîza reva çû, kîrê Nîsko pêva çû." Çênê hayrê ci nîyê. Çênê vanê:
-Wîîî herêde bêwayîr ma xo rê tezekanê xo berzîme ser.

Nîsko vano:
Heyyy! Ez nan de fekê șima. Şima hero bêwayîr dîyo!
Çênê uja remenê. Vanê:
-Çênê no milaket o.
Nîsko tekneno șono. Şono eke kuno nîzdîyê pîyê xo vano:
Apooo apooo apooo!

.....
(*) Na şanike maya mi Gullû Çiçeke tarîxê 01.06.2013 de, dewa Goşkari ya Gimgimî de mi rê qisey kerde. Gullu Çiçeke serra 1963 de maya xo ra biya u mektebo verên ra mezun a. Nika dewa Goşkarî ya Gimgimî de ciwîyena.

Murat Çîçek

Mêşa dengize

Vate

Weşanxaneyê Vateyî
Kitab: 80, arêkerde: 11
Mêşa dengize
(Estanikanê Gimgimî ra)
Arêkerdox: Murat Çîçek

©Murat Çiçek
Weşanxaneyê Vateyî
İstanbul, 2014

Çape: Berdan matbaacılık
Davutpaşa cad. Güven sanayi sitesi
C blok., no: 239
Topkapı / İstanbul
Tel: (0212) 613 12 11

Edîtor: Deniz Gunduz
Redaksîyon: Ali Aydin Çiçek
Mîzanpaj: Deniz Gunduz
Resmê qapaxî: Louis Daguerre
Xebata qapaxî: Minife Yildrzhan

Weşanxaneyê Vateyî / Vate Yaymevi
Katip Mustafa Çelebi mah.
Tel sok., no: 18, kat: 3
Beyoğlu / İstanbul

Tel: 0212-244 94 14
wesanxaneyevateyi@hotmail.com
"Ev weşan bi alîkarîya Fona Çandî ya Kurdî hatîye çapkirin."

ISBN: 978-975-6278-77-2