Xaltîka Zeyno
Xaltîka Zeyno, mîna ferhenga lêgerîna li pey peyva Kurdî ya resen e. Demjiyanên dîrokî yên Kurdistanê ji doh û îro. di nava hunandinek folklorîk de bi awazek destanî tîne beramberî hevûdin.
Û di warê pesindana siruşt û demedorên jiyana gelerî de, bi hunandina peyv û hevokan berhemeke nû ye.
Doz
... Şev qeryayî, bêdeng, weke neynikê di nava ronahiya heyvê de, têr ronîşank û çirîskên rengo rengo di nava hev û din de pêçayî, gih miç dibin, gih bel dibin, dirêj û fereh di nava xeml û xala derya reşa gerden xeliyayî de pêl dida. Dengê sirsirk bi baweşêneka bayê hînik ku pelê gul û kulîlkan, tayê geyê û pûşê xiloxafî hêdî hêdî di ser axa bê rewa, hişkî tozikî re di xiriqandin, xuşşêna nermik û zîgzîga ziravik û dirêjik di bû dîloka sosin û beybûna di ber guhên evîndarên ku li qeraxê dîwa, sênc û dergehan bi dizî dest didane hev û xwe li hev di pêçan. Bê pêjin!... Di nava dil germiyek têr tirs de!... Şev!... Safî ronahî, safî reng û çirîsk!... Ji nişkêve pelek ewrê xiloxafî ji başûr ve hat, gih ji hev diqetiya, geh xwe li hev dipêça, wilo dirêjik, ji hev veçiriyayî, wilo xerbende lezand, hat û hat li ser rûdêna heyvê rûnişt, ranebû. Ronahî, ew ronahiya neynikî, têr çirîsk û ronîşank pêşî çilmisî, zirav rist, teng bû, hate guvaştin û bi yek carê winda bû. Cîhan di nava xeftanekî belekotkî de hate pêçan. Ronahî bêhn birehayî, xaf î şelişî, zu winda bû... Xwe negirt... Reşê gireê ser erdê... Reşek di nava hev de kutayî, qalin, bê têhnik... Çiqasî hat û tarî bû... Wilo ji nişka ve rijiha ser gewrenîgariya şevê û bi pelaxbûnek şemirandî dirêj bû, fereh veda... Bêdeng!... Şityar!... û westiyayî!... Cîhan bû tevneke li ber xilasekê, di nava rengên cihê cihê û tevlîhev, ne şiştî xuya kir û winda bû. Reş giran... Şev kete nava pê-
Medenî Ferho
Xaltîka Zeyno
Roman
Roman / Doz / 1. Cild
Weşanên DOZ
Çapa Yekemîn: 1997 Stenbol
Berg: Fuat Dündar
Çap: Mart Matbaacılık Ltd. Şti.
DOZ Basım-Yayın Ltd. Şti.
İlk Belediye Cad.
Vural Arıkan Apt.
No: 5/6 Tünel/İstanbul
Tel/Fax: (0212)-245 41 37
Medenî Ferho, sala 1947'an li gundê Mizîzexê, piştî têkçûna serhildana Bagukê ku bi malbatî koçberî Başûrê Biçûk dibin û car din vedigerîne ser cih û warên têr gorî. hatiye cîhanê. Hemû qonaxên xwendina debistanê li heremên Kurdistanê qedandiye. Piştî heft salên mamostahiya ku heşt caran sergomi û girtina sala 70'yî ‘12 Mart’çû Stembolê karê rojanamegeriyê kir. Bi rojnamevantiyê re Zanîngeha Abori xwend û weşanxaneya ABeCe damezrand. Hestên xwe yên nivîskarî di dema debistana mamostayî, li Diyarbekrê di rojnameyên heremî (Diyarbekir. Mardîn û Midyadê) de derbirî. Di dema mamostahiyê de di rojname û kovarên gelerî yên Tirkan de (Cumhuriyet, Varlik, Demokrat û hwd.) de nivîsên wî hatin weşandin. Di pêvajoya şeş sal û nîvan (sala 1980'yî bi hatina cunta eskerî ya ‘12 Eylûlê’) di girtîgehên Stembolê de hestên wî yên nivîskariyê bi awayekî riştî hatin hunandin. Û Medenî Ferho bû şeydayê pênûsê. Bi Qmikurbûna hin rê hevalên wî yên girtîgehan. Medenî. destnivîsên xwe her êvar bi benik û tayên xafeloşkî yên hunandî, ji jor didehlandin jêr da ku bixwînin.
Êdî awaza Kurdî ala wî ye. da ku di medya Kurdî de (rojname û kovar) awazek têr qîren digihêne civakê û ji bo têkoşîna gelê Kurd bi hestên binbarî kar dike. Nûnerê Azadiya Welat yê Belçîka ye û di MED TV de amadekariya bernameyan dike. Berhemên wî: Toprağın Türküsü (Tirkî-helbest. bi zimanê Hollendî hatiye weşandin), Kaytan Osman (Tirkî-çîrok), Mapusluk Gerçeğim (Tirkî-helbest). Beranê Kozî (Kurdî-çiroka dirêj), Mîrza Meheme (Kurdî-roman). Berxwedan jiyan e (Kurdî-roman), Hey Gerîla (Kurdî-helbest), Hades İş Başında (Tirkî-roman) û ev romana di destê we de Xaltîka Zeyno.
