Şahidê dîroka kevin ne tenê di şer, ceng, peyman, hevdîtin, desthilatdariya qiral, mîr, padîşah, siltan, egît, fêriz, beg û serok eşîran de an jî di wan delîl û dokumentên ji ber dîtina piraniya zane, lêkolînvan, nivîskar û geryokên ku li goriya daxwaz û berjiwendiyên desthilatdaran hatine nivîsandin de tê xwanê kirin. Gava meriv bikeve nava wêjeya zargotina civakekê û Ii ser gelek efsane, mesele, çîrok, destan, peyvan, hêvî, irf, adet, libas, sema, xwarin, vexwarin, wêne, dîtin, perwerde, ber hem, şop, şûnên li ser/bin axê, hemû kevneşop, kiryar û pêwendiyen endamên civakê lêkolîn bike,hingê meriv dika re rastiya dîroka civakê a derbasbuyî bivîne.
Naverok
Di şûna pêşgotinê de / 11 Çîrokên ku şahidiya kevnariya Mîtologiya Êzdahîtiyê dikin / 12
Çîroka Kêza Terecan / 15
Ez çavnas, dirnas û esilnasim / 25 Li ber çavên cotkar diziya gayekî ku di bin nîr de / 35 Eger ku min çêleka te biribe, bila xwedê bike ez di qirnê çardan de bimirim* / 37 Timayî guh bi merivan dide xwarin / 41 Mesela hesabdar, xwendekarê bajêr û hîvgirtinê / 45 Çîrok û kilamên ku dengbêj Ûsivê Beso gotine / 48 Qijik û Kewê / 49
Dû xwişkên koçer / 52
Di nav zargotina Êzdiyan de çîroka ku Çiyayê Evdilezîz'ê pê hatiye binavkirin / 53 Dîkûmirîşk / 77 Cewahirên kurdî yên ku hîna ji nav zargotina ezdiyan ne hatine tomarkirin / 80 Gustîlka Nebî Silêman / 82 Çîroka nebî Silêman û Kîso / 84
DIŞÛNA PÊŞGOTINÊ DE
Her çiqas dîroka Êzîdiyan dîrokeke kevnar be jî di derbarê Êzîdiyatiyê de û di derbarê Êzîdiyan de kêm pirtûk hatine nivîsîn û her wiha lêkolîn ji kêm in. Pirtûkên hatîn nivîsîn jî nivîskarên wan ne Êzîdî bûne. Ew nivîskar yan lêkolînvanên biyanî bûn e yan jî kesên misilman bûne. Yanî wan bi xwe Êzîdî û Êzîdiyatî baş nizanbûne û ji ber vê gelek caran agahiyên nerast nivîsine.
Xemxwarê Êzîdiyan Kemal Tolan yek ji wan kesên yekemîne ku weke nivîskarekî Êzîdî bi awayekî zanistî lêkolîn li ser Êzîdiyan kiriye û ew agahî di pirtûkan de weşandiye. Bi dehan salan e ew pirtûkan li ser Êzîdiyan dinivîse ta ku çand, dîrok, irf û edetên Êzîdiyan winda nebin.
Di vê pirtûkê de xwendevan wê çîrokên ku di zargotina Êzdiyatiyê de ne bi kurmanciyeke zelal bixwînin û te‘am jê bigrin. Em ji bo vê berhema pak sipasiyên xwe ji nivîskar û weşanxaneyê re dikin, em kêfxweşin ku piştgiriyê vê pirtûkê ne.
Navenda Şêwirmendîya Êzîdiyan li Elmanya Çîrokên ku Şahıdiya Kevnariya Mîtologiya Ezdahîtiyê Dikin
Bi dîtina min, şahidê dîroka kevin ne tenê di şer, ceng, peyman, hev dîtin, desthilatdariya qiral, mîr, padîşah, siltan, egît, fêriz, beg û serok eşîran de anjî di wan delîl û dokumentên ji ber dîtina piraniya zane, lêkolînvan, nivîskar û geryokên ku li goriya daxwaz û beiji- wendiyên desthilatdaran hatine nivîsandin de tê xwanê kirin.
Gava meriv bikeve nava wêjeya zargotina civakekê û li ser gelek efsane, mesele, çîrok, destan, peyvan, hêvî, irf,adet, libas, sema, Xwarin, vexwarin, wêne, dîtin, perwerde, berhem, şop, şûnên li ser/ bin axê, hemû kevneşop, kiryar û pêwendiyen endamên civakê lê- kolîn bike, hingê meriv dikare rastiya dîroka civakê a derbasbuyî bivîne.
Vêca ez di roja 06.04.2012 de ji bo berhevkirina zargotina me çûme bajarê Hannoverê û li mala keçxala xwe Xatûn Tuko bûme mêvan. Jixwe ew çend salbûn ku em bi aremî li cem hevûdinê rûneniştbûn û me li ser wextê derbasbuyî sohbet nekiribû. Evarê wexta em bi malbetî û tevî zaroken xwe re rûniştin, me qala şevbêrk û çîrokên dema zarokatiya xwe kir. Dûre Xatûnê ji min pirsî, gelo ew çîroka Kêza Terecan, ya ku rahmetiya pîrika me Rindê harcar ji mere digot û em pê radizandin, têye bîra te? Min gote Xatûn û zilamê wê Rauf, na mixabin, ez nikarim tevaya vê çîroka kêza terecan bibêjim. Lê, ezê sibê herime mala xwişka xwe Sosê û ez bawerim ku zavê me Ahmet Yasit 'ê karibe vê çîrokê ji me ra bêje.
Gava ez û Xatûn di roja 07.04.12 çûne mala xwa min Sosê, Xatûn ji Sosê ra got; kêfa min gelekî tê ku zavê me Ahmet jî mîna ku di çîroka Kêza Terecan de hatiye gotin, wisa baş hurmetê dide keçmetika min. Dûre me ji Ahmed’ê zave daxwazkir, ka ew dikare vê çîroka Kêza Terecanê ji me ra bêje. Ahmet got, ez jî bi tevaya vê Çîrokê nizanim, lê ez baş dizanim ku bavê Menal, kekê min Aydîn Ronak, dikare vê çîrokê gelekî xweş bibêje. Me rabû telefonî camêr ...
Kemal Tolan
Çîrokên ku Şahidiya Mîtologîa Êzdiyatiyê Dikin
Na
Weşanên Na Çîrokên ku Şahidiya Mîtologîa Êzdiyatiyê Dikin Kemal Tolan
Na: Zargotin Çîrokên ku Şahidiya Mîtologîa Êzdiyatiyê Dikin / Kemal Tolan
Birêvabirê weşanê: Muhterem Görücü Amadekirina ji bo çapê: Berfo Barî -Tîlda Wêneya bergê: freepik Bergsazî: Ajans Na Çapa Yekem: 2020, Weşanên Na, İzmir
