Sê şev û sê roj
Sala 1969an
Qereqola hidûd di sala 1958an de, di berpala başûrê girê Qesra de hatibû ava kirin. Di serê gir de ji dema ku qereqol hatibû ava kirin pênc dîrekên dirêj çikandîbûn. Bi van dîrekan ve daliqandî gelek mirovan can dabû. Li hawêrdorên gir bi kevirên bestan, boyax û kilsê wiha hatibû nivîsîn:
“Tirkek bedelî cîhanê hemî ye! Her tirk esker çêdibe! Ev welatê me ye! Welat yekperçe ye!”
Di rohilat û roavayî gir de dîsa ji kevirên bestan bi qasî deriyên sûr û dêrên kufarî mezin rengareng du wêneyên eskerên tirk hebûn. Wêne bi haweyekî pir balkêş hatibûn çêkirin. Mirov ji wan heybet digirt! Serê eskeran bi mîxfer, newqên wan yekser bi rext û fîşek û bomban rapêçayîbûn. Potînên wan ên bi niçik, bi qasî tabûtên zarokan dirêj û mezin bûn.
Sala 1969an
Qereqola hidûd di sala 1958an de, di berpala başûrê girê Qesra de hatibû ava kirin. Di serê gir de ji dema ku qereqol hatibû ava kirin pênc dîrekên dirêj çikandîbûn. Bi van dîrekan ve daliqandî gelek mirovan can dabû. Li hawêrdorên gir bi kevirên bestan, boyax û kilsê wiha hatibû nivîsîn:
“Tirkek bedelî cîhanê hemî ye! Her tirk esker çêdibe! Ev welatê me ye! Welat yekperçe ye!”
Di rohilat û roavayî gir de dîsa ji kevirên bestan bi qasî deriyên sûr û dêrên kufarî mezin rengareng du wêneyên eskerên tirk hebûn. Wêne bi haweyekî pir balkêş hatibûn çêkirin. Mirov ji wan heybet digirt! Serê eskeran bi mîxfer, newqên wan yekser bi rext û fîşek û bomban rapêçayîbûn. Potînên wan ên bi niçik, bi qasî tabûtên zarokan dirêj û mezin bûn.
Mîxên kubikî ku seranser di qiraxên potînan de çikandîbûn; mîna qesnaxên cenceran xwe dabûn der. Destên xwe ên çepê kiribûn kulm û danîbûn ser sênga xwe. Tivingên wan ên bi qezetore di destên wan ên rastê de bûn û berê tivingan jî bi bakur ve bû. Qezetore heta ku digiha lûla tivingê bi carekê ve ji boyaxê sor bûn. Ji serikên qezetoran mîna ku xwîn binisile bi lez dilopên boyaxê xwe berdidan. Di nav şeqên wan de kelaxekî bêserî, ji kelax hinekî dûr di bin lingê çepê de seriyekî devjihev û zimankişiyayî hebû. Li jêra gewdê serjêkirî ji boyaxa sor bi tîpên mezin jî wilo nivîsîbû:
"Xwezî bi dilê wî ê ku dibêje ez tirk im! Tirk mezin e!"
Gava mirov bi terempêlê ji Qosarê ber bi Nisêbînê û ji Nisêbînê ber bi Qosarê de diçû û nêzîkayî li gir dikir, gir ji esker....
Sê şev û sê roj
Laleş Qaso
Roman
Nûdem
Weşanên Nûdem 43
Sê şev û sê roj
Stockholm: 1999
© Laleş Qaso û weşanên Nûdemê
Pergala bergê û rûpelan Nûdem
Wêneya bergê: Bişar Îsa
Isbn: 91 88592-43 X
Box 177
177 23 Järfälla-Sweden
Tel û Fax: 8-583 564 68
8-580 131 62
Laleş Qaso di sala 1957an de li gundekî Nisêbînê hatiye dinyayê. Ew di sala 1981ê de ji ber xebata xwe ya kurdayetiyê hat girtin û deh salan di girtîgeha Diyarhekirê de raza. Gava ew di nîsana 1991ê de ji girtîgehê derket, êdî nema dikaribû li welêt bima, loma wî jî mîna gelek siyasetvan û rewşenbîrên kurdan berê xwe da Ewrûpayê. Laleş Qaso niha Ii serbajarê Swêdê, li Stockholmê dijî.
Mîna roman, ev berhema Laleş Qaso ya pêşî ye. Di vê romanê de Qaso bi hostetî berberî û dijminatiya di navhera du bavikên kurdan de, piralî radixe ber çavan. Di siya berberiya herdu bavikan de nivîskar wêneyekî civakî, siyasî û psîkolojîkî yê herêmeke welêt jî radixe ber çavan.
