Amîdabad

Versions

Amîdabad [Kurdî, İstanbul, 2001]

Amidabad; göç, çocuk ve ırmak [Türkçe, İstanbul, 2004]

Amîdabad

Belê, di wan salên dawîn de, navçeya Amîdabadê vala dibû. Li ser axeke agirî, di bin azmanekî misînî de, me dert bi Koça Mezin kiribû. Di gundên wêranbûyî de, bi tenê kûçikên bêxwedîmayî di dirêjahiya şevan de direyan, giliyên xwe bi heyva sar dikirin. Di Amîdabadê de bi tenê çemek hebû û ew jî ji mêj ve miribû û zikê wî bûbû  sergoyê giştî. Goristan herroj firehtir û pirtir dibûn. Herroj em bêtir  winda dibûn. Me kincên biyaniyan li xwe dikirin, em bi zimanên wan diaxivîn û me ji mêj ve dest pê kiribû me serê xwe bi xerafat û xuyên wan bilind dikir.

Koça Mezin dabû ser rêya nebedîbûnê. Em bi milyonan bûn, me  dikarîbû çiyayên bilind bihejandana, me dikarîbû bi mîza xwe lehî  rakira, lê, em bê hiş bûn, me xwe li tixûbên nenas, li çareserkirinên erzan girtibû...

avesta - EDEBIYAT: 88 - 16
Amîdabad
Fawaz Husên

Edîtor: Abdullah Keskin
Berg: Ahmet Naci Fırat
Tîprêzî û Mîzanpaj: Avesta
Çapa Yekem: 2001, Stenbol
Çap: Berdan Matbacılık

© Weşanên Avesta, 2001
Ji xeynî danasînê bêyî destûra nivîskar û weşanxanê
bi tu awayî nayê kopîkirin

AVESTA BASIN YAYIN
REKLAM TANITIM MÜZİK DAĞITIM LTD. ŞTİ.
Meşrutiyet Caddesi
Özbek İşhanı 136 / 4
BEYOĞLU/İSTANBUL
Tel-Faks: (0212) 251 7139
(0212) 251 44 80

İstasyon Caddesi, K. İsmail Paşa 2. Sokak
Abdi Paşa Apt. Giriş Katı
OFİS / DİYARBAKIR
Tel-Faks: (0412) 222 64 91

---

FAWAZ HUSÊN - Di 1953'an de hatiyê dinyayê. Ew ji sala 1978'an heta bi 1992'an li Parîsê li xwendegeha Sorbonnê xwendina xwe ya bilind dike û di sala 1988'an de, dibe doktorê ziman û wêjeya fransî. Ji sala 1993'an heta bi 2000'î ew li Swêdê dimîne, li zankoyê û paşê li Enstîtuya Fransî ya Stockholmê kar dike. Berhema wî ya pêşîn bi navê Siwarên Êşê li weşanxaneya Welat di sala 1993'an de çap dibe. Di Amîdabadê de, Fawaz Husên çend çîrokên Siwarên Êşê hildibijêre, ji nû ve wan dinivîse û wan li gel çend çîrokên din, ku bi zimanê fransî çap bûne û ji bo vê pirtûkê ew li ser wan xebitiye, diweşîne. Fawaz Husên endamê Yektîya Nivîskarên Swêdê, endamê PEN Kluba Navneteweyî û endamê Rêxistina Nivîskarên Fransayê ye. Ew aniha Ii Parîsê dijî.

Kitêb û wergerên Fawaz Husên:
- Siwarên Êşê (Kurteçîrok Stockholm,weşanxaneya Welat, 1994)
- Biyanî (Wergera L'Étranger, berhema Albert Camus, Stockholm, weşanxaneya Nûdemê, 1995)
- Mîrzayê Piçûk (Wergera Le Petit Prince, berhema Antoine de Saint-Exupéry, Stockholm, weşanxaneya ûdemê, 1995)
- Le Fleuve (Kurteçîok, Parîs, weşanxanêya Méréalê, 1997)
- Dîroka Edebiyata Fransî Sedsala Hivdehan û Hîjdehan (Antolojî, Stockholm, weşanxaneya APECê, 1998)
La Poursuite de l'ombre (Wergera siya Evînê, romana Mehmed Uzun, Paris, weşanxaneya Phébus'ê, 1999)
- Chroniques Boréales (Kurteçîrok Parîs, weşanxaneya L'Harmattanê, 2000)
Kurdên Haymanayê (Gotara Georges Perrot, Werger û amadekirin, Stockholm, weşanxaneya APECê, 2000)
- Amîdabad (Kurteçîrok, Stenbol, Avestayê, 2001)
- Le Souffle du silex (Roman, Parîs, li ber çapê ye)