شێخ ڕه‌زای تاڵه‌بانی» ژیانی، په‌روه‌رده‌ی، بیروباوه‌ڕی و شیعری»
Șêx Reza talebanî: jiyanî, perzerdei u Șê'rî
شێخ ڕه‌زا به چوار زوبان شیعری وتووه، زۆربه‌یان به کوردی و فارسی و تورکییه. خوێنده‌وارانی ئێستا زوبانی کوردی و عه‌ره‌بی ده‌زانن و شاره‌زاییه‌کی ئه‌وتۆیان له زبانی فارسی و تورکییدا نییه، شیعره نایابه‌کانی شێخ ره‌زایش زۆربه‌یان به‌م دوو زبانه‌ن، ئه‌مه ده‌بووه هۆی بێبه‌ش بوونیان له‌و شیعره نایابه‌نه. به وه‌رگێڕانی شیعر له زوبانێکه‌وه بۆ زوبانێک، ئه‌و ڕه‌ونه‌قه که شاعیر پێی داوه نامێنێت. به‌ڵام بلیمه‌تیی شێخ ره‌زا ته‌نها له هۆنینه‌وه‌ی ئه‌و له‌فزه مروارییانه دا نه‌بوو، شێخ ره‌زا پیاوێکی بیرکراوه و له بارودۆخی سیاسی و کۆمه‌ڵایه‌تیی ئه‌و سه‌رده‌مه شاره‌زا و ڕه‌خنه‌ی له هه‌موو که‌موکۆری ئه‌و بارودۆخه ده‌گرت، له‌به‌رئه‌وه، هه‌ر هیچ نه‌بێت، ده‌بوایێ ئه‌و بیروباوه‌ڕانه‌ی بخرێنه به‌رچاوی ڕۆشنبیرانی کورد که بزانن شێخ ڕه‌زا بێ ترس و په‌روا چ جۆره ره‌خنه‌ی له که‌موکورتی و چه‌وت و چێڵیی باردودۆخی سیاسی و کۆمه‌ڵایه‌تی گرتووه. له‌به‌رئه‌وه ئێمه ؛ نه ڕێگای دابه‌ش کردنی شیعره‌کانی به پێی زوبان که کرابووه سێ دیوان به سێ زوبان له به‌رگێکدا و نه‌یش شیعره‌کانی به پێی قافیه و پیتی ئه‌بجه‌دیمان نه‌گرت، به‌ڵکو به جۆرێکی تر که بۆ خوێنده‌واران، دۆزینه‌وه‌ی شیعره‌کانی ، ئاسانتر بێت وا ڕێک خران. ...
پێشه‌کی / 9
شێخ ڕه‌زا کێیه؟ / 14
بنه‌ماله‌ی تاڵه‌بانی ؟ / 14
شێوه‌ی ژیانی شێخ ره‌زا / 24
غه‌زه‌ڵی هه‌ڵماڵراوی شێخ ڕه‌زا / 66
غه‌زه‌ل / 152
شێخ ڕه‌زا و شاری سلێمانی / 230
شێخ ڕه‌زا و شێخانی به‌رزه‌نجه / 230
شێخ ڕه‌زا و ئێران / 290
شێخ ڕه‌زا و ده‌وڵه‌تی عوسمانی / 303
شێخ ڕه‌زا له به‌غدا / 343
شێخ ڕه‌زا و پیری / 394
ئه‌وکه‌سانه‌ی باسی شێخ ڕه‌زایان کردووه / 395
ناوی کتێب: شێخ ره‌زای تاڵه‌بانی '' ژیانی، په‌روه‌رده‌ی، بیروباوه‌ڕی و شیعری''
کۆکردنه‌وه و لێکدانه‌وه‌ی : د. موکه‌ڕه‌م تاڵه‌بانی
بڵاوکراوه‌ی ئاراس- ژماره: 73
ده‌رهێنانی هونه‌ری : به‌دران ئه‌حمه‌د حه‌بیب
به‌رگ: شکار عه‌فان نه‌قشبه‌ندی
نووسینی سه‌ر به‌رگ: خۆشنووس محه‌مه‌د زاده
پیت لێدان: ئه‌میر داوود – دلاوه‌ر صادق ئه‌مین – ره‌هیڵ ره‌شید
هه‌ڵه‌گری: ئه‌حمه‌د تاقانه - شێرزاد فه‌قێ ئیسماعیل
سه‌ه‌رپه‌رشتیی چاپ : ئاوڕه‌حمان مه‌حمود
چاپی یه‌که‌م – چاپخانه‌ی وه‌زاره‌تی په‌روه‌رده، هه‌ولێر-2001
له کتێبخانه‌ی به‌ڕێوه‌به‌رایه‌تی گشتی ڕۆشنبیری و هونه‌ر له هه‌ولێر ژماره (38) ی ساڵی 2001 دراوه‌تێ
