Nifir û duayên kurdî
Mustafa Gazî
Enstîtûya Kelepora Kurdî
Li gor gotina diya min a rehmetî, ez sala 1958'an li gundê Şêxuliya Jêrin, ser bi Siwêregê ve, hatime dinê. Lê belê nasnameya ku di bêrîka min de, ne ya min e. Beriya min birayekî min hatiye dinê û piştî demekê miriye; nav û nasnameya wî birayê min ê rehmetî ji min re mîrat maye.
Hîn ez pitik bûm, di pêçekê de bûm, bavê min ji ber karê xwe malê ji gund bar dike tîne Diyarbekirê. Ez ji pitikiya (bebektiya) xwe û vir de li Diyarbekirê dijîm. Min dibistana seretayî, a navîn û lîse li Diyarbekirê xwend. Ez ji eşîra Keja me. Eşîra me, xizmên me bi piranî li derdora Qerejdaxê, li Siwêregê (Sêrek) û hinek jî li Diyarbekirê û Serê Kaniyê (Ceylanpinar) bi cih û war bûne.
Gelek sal in ez di warê zargotin, ziman û muzîka Kurdî de dixebitim. Piraniya ciwanan min bi xebatên min ên muzîk û kilama "Xerîb im"ê nas dikin. Piştî 1990'î min diwazde salan mamostetiya zimanê Kurdî kir, dersên zimanê Kurdî dan gelê xwe.
Gelek xebatên min di kovar û rojnameyan de weşiyan. Bi navê "Diyarbakir Türkçesi (Tirkiya Diyarbekirê)" û "Pirpinm" du pirtûkên min hene.
Mustafa Gazî
NIFIR
-A-
Afatê giran bê serê te. (Licê/Amed)
Afatî bi ser te da birje. (Amed)
Agir bi canê te kevê. (Licê/Amed)
Agir bi derê te keve. (Silîva/Amed)
Agir bi mala te keve. (Mêrdîn)
Agir bikeve mala te. (Sêrt)
Agir bigre dilê te. (Şirnex)
Agir bi qebrê te keve / Agir ketî qebrê dewo. (Sêrt)
Agir û pêtî bi mala bavê te keve. (Siltan Şêxmûs / Mêrdîn)
Agirê sor bi canê te kevê. (Licê / Amed)
Agirê tifika te bitefe. (Sêrt)
Aqûbetê wî / wê li serê te bê. (Hezo / Batman)
Aqûbetî bi serê te da were. (Qerejdax)
Ar (agir) bi bedena te keve. (Qerejdax)
Ar bi canê te keve. (Qerejdax)
Ar bi cilê te keve. (Qerejdax)
Ar bi kezeba te keve. (Qerejdax)
Ar bi kon û çîtê te keve. (Qerejdax)
Ar bi konê te keve. (Qerejdax)
Ar bi laşê te keve. (Qerejdax)
.....
Mustafa Gazî
Nifir û duayên kurdî
Enstîtûya Kelepora Kurdî
Enstîtûya Kelepora Kurdî
Nan tajî be tu kîroşk bî
Nifir û duayên kurdî
Berhevkar: Mustafa Gazî
Enstîtûya Kelepora Kurdî
2006
Zincîreya Pirtûkên
Enstîtûya Kelepora Kurdî
Hejmar: 33
Pêdeçûn û sererastkirin: Mazlûm Doxan
Rûpelsazî: Meryam Motaqiyan
Bergsazî: Hemîd Riza Azmûde
Çapxaneya Wezareta Perwerdeyê/Hewlêr
Tîraj:1000Dane
Çapa Yekem: 2006
Hejmara spartinê:595
KHI kurdish-heritage-institute
Navnîşan: Girdî Elî Necî Gerekî 103
Kolana 52 No:22 Silêmanî / Iraq
Tel-fax: 0044704-3137233
Malper: www.khi03.com
Email:info@khi03.com
Ev pirtûk bi hevkariya Weşanxaneya Aras hate çapkırın.
