MÎRZA MEHEME
Medenî Ferho di sala 1947'an de li hêla Torê, li gundê Mizîzexê hatiye dinyayê. Di mamostetiya heft salan de heşt caran sirgûn bûye. Ew jî mîna gelek xortên kurdan di 12'ê adarê de hatiye girtin. Di 1973'an de li Stembolê bûye rojnamevan û xwedî û berpirsiyariya Weşanxaneya ABeCe kiriye. Di girtina 12'ê îlonê de heta 1987'an di hundur de maye. Piştî ku tê berdan derdikeve derveyî welêt. Niha li Belçîkayê dijî.
Bi derketina derveyî welêt re Medenî Ferho dest bi nivîsandina kurdî dike û di çend salan de çar-pênc berheman pêşkêşî pirtûkxana kurdî dike. Mîrza Meheme an jî Mîrza Mehemed bingeha xwe ji çîrokeke kurdî ya kevnar girtiye. Weşanxaneya me bawer e ku bi çapkirina vê pirtûkê çîrokeke kurdî ji mırinê xelas kiriye.
Dem û demsal kûr û xedar in
Lom û gal gal bê hed û hejmar in
Kul û derd pirr zor û kevnar in
Gelê Kurd bi zar û zêçên xwe ve
Xwedî dijminên hov û har in
Bi berxwedanên rûmet û têr xîret
Ava kirin çîrok û efsanên bi şîret
Bo çanda hewngîrî bi axîn û hesret
Bo nemirê tuccar nav û dengê welat
