Bi serbilindî li cîhanê dinêrim
Jîyana wek helbestêkê milîtan hîn xweştir e
Gelek dostên min gava min dibînin, qala helbesta dikin. Bi taybetî jî pirsa" gelo tu helbest dinivîsî?" ji min dikin. Dirêj -li gor temena mirovan- di nav qetên demên dirêj de carna tiştina dinivîsim. Ew, gelek caran, bitenê, bîr û bawerîyên kesîf in. Bê guman ev ne ew helbesta ku ez lê difikirim, dijîm û êşên bê dawî dide min û min dixe heyecanê ne, ango ew ne helbesta jîyanê ne.
Ev demêke ku wekî neferekî tekoşîna netewî û civakî ya welatê xwe, ez hewl didim, erkên xwe bi cîh bînim. Di vê merhelê da, her çalakî, her tewr, her bîr û bawerîya metînî, ji min ra wekî perçeyên destaneke mezin tê.
Demêke dirêj e, di fabrîke, zevî, xwendegeh, gundên çîyê û seranserê sînoran de, bi sedan milîtanên ku bi girseyên gel ve bûne yek, mil bi mil, destaneke pîroz dinivîsin û dijîn. Di vê wateyê de, di nav pîvanên ku tê zanîn de, helbest nivisîn
bêguman tiştêkî xweş e. Lê jîyana wek helbestêke milîtan hîn xweştir e. Di gel êşên mezin û bi xwîn, destana comerdî û fedekarîyên bê hempa tê jîyîn. Û ev yeka wê bê nivisandin jî.
Pêşgotin
Navê Orhan Kotan, ji xwendevanên Kurd û Tirk ra ne xerîbe. Xwendevan, Orhan Kotan wek sîyasetmedar, rojnamevan, nivîskar û helbestvan nas dikin. Ewî, heya dawîya temene xwe di van waranda bê westan xebat kir. Ez bawerim ku bi kirinên xwe wê Orhan Kotan di dîroka gel da cîhê xwe bigre. Bêguman bi stîl, zman û naveroka berhemên xwe, wê Orhan Kotan bibe babeta lokolînê ji bo lêkolînvana.
Armanca vê pêşgotinê, dûr û dirêj li ser jîyan û xebata Orhan rawestin nîne. Ev babeteke dîye. Divê bêalî em temaşa jîyan û xebata rewşenbîran û her wuha ya Orhan Kotan bikin. Pêwîste rexne bi zanistî rola xwe ya payebilind bileyze. Di zanistîyê da cîhê reşkirin û metihkirinê tune ye.
Min, Orhan di dawîya salên şêstan da naskir. Di gelek waran da bîr û bawerîyên me cuda bûn. Alozîyên salên heftîyan pir dijwar bûn. Bi navê îdeolojî û sîyasetê kambaxîya wan salan nayêne jibîrkirin. Sedem wî min û Orhan jî hev gelek êşand.
Me ji hev hiz jî kir û em li hev qehirin jî. Dostanîya me heya dawîya temene wî bi rengeke vekirî û bi prensib meşîya. Ligel cuda bûna, gelek tişt li gel Orhan hebûn ku meriv îro jî dikare wek nimûne wan biparêze. Bêtirs bû, arşîvwaneke bêhempa bû, bi disîplîn û bi inyad bû. Sedem ku nikarîya bi kurdî bixwîne û binivsîne gelek xemgîn bû. Dema li jîyanê bû çend caran pêşnîyar kir ku ez helbestên wî wergerînime kurdî.Piştî çû heqîya xwe xanima wî ya hêja Mehtap va ku ez wê wesîyeta wî bicîh binim. Min jî vî deyneke wefayê zanî, pirtûka wî ya bi navê "Gururla Bakiyorum Dünyaya" ( Bi serbilindî li cîhanê dinerim) wergerande kurdî. Ev werger li ber çapa çaran ya pirtûkê ku ji alîyê Çiviyazıları va hatibû weşandin pêk hat. Cîyê mixabê ye ku dema çapa çaran pêk hat, Orhan piştî çend
rojan çû dilovanîya xwe û çapa nûh nedît.Heya nûha sê pirtûken helbestan yên Orhan Kotan bi tirkî hatine weşandin; Boyunduruk (Nîr) 1964 li Enkerê, Gururla Bakiyorum Dünyaya (Bi Serbilindî li Cîhanê Dinêhrim) 1975 li Enkerê û Sanci (Qolinc) 1984 li Stockholm. Herdû pirtûkên dî jî di destê min da ne, ku mecal hebe ezê wana jî bixime xizmeta xwendevanan.
Qasî du sal ez li ser wergera vê pirtûkê xebitim. Min xwest ku bêqisûr xwendevanên kurd bigêhjine tema helbestên Orhan Kotan. Ez, bi xwe piştî wergerê bi tevayî gihiştime vê temê. Di encamê da min dît ku Orhan, helbestbêjê dîrokçe ya me ye.
Bêguman, werger tişteke hêsa nîne. Ku ev werger helbest be û bi taybetî imza yê Orhan Kotan li binî be barê meriv girantir, dibe. Şik tûne ye kêmasîyên min jî hene. Hêvîdarim xwendevan min bibexşînin. Ku ez piçek be jî tema helbestên Orhan Kotan bidime xwendevanan, eze xwe bextîyar bizanim.
Pir spas, ji dost û hevalan ra ku di derheqê wergera vê pirtûkê da dîtin, arîkarî û pêşnîyarên xwe ji min ra texsîrnekirin. Ji ber vê yekê ez careke din ji kûrayî ya dil Orhan yad dikim.
Bedirxan Epözdemir
03.07.2001
ORHAN KOTAN
Bi Serbilindî li cîhanê dinêrim
Werger: Bedirxan Epözdemir
Weşanen Afîş Medya
ORHAN KOTAN
Bi Serbilindî li cîhanê dinêrim
Nave orîjînal: GURURLA BAKIYORUM DÜNYAYA
Werger: Bedirxan Epözdemir
Weşanxana Afîş-Medya
ISBN: 90-807698-2-7
Çapa Yekem bi Kurdî
Hollanda - Adar 2003
Bergeh: Afîş-Medya
Grafik : Afîş-Medya
Çap: Çapxana Afîş-Medya
Weşanxana Afiş - Medya
Buffelstraat 68
3064 AC Rotterdam
Tel: +31 -10 - 4809680
Fax: +31 - LO- 45505 12
Gsm: +31 - 6553477 29
web site: www.afıs-medya.com
e-mail: info@afıs-medya.com
