Jîyana bextîyar
Feyzî Demîrag
Pêrî
Feyzî Demîrag; di sala 1959 de li bajarê Mûşê gundê Sêgira hatîye cîhanê. Dibistana serateyî û medreseyêde xwendîye. Di karê tekelê de xebitîye. Di sala 1990 de li herema xwe di partîya HEPê de rêveberî kir. Sala 1991î de hate dîlgirtin, di zîndana Muş, Erzincan, Xarpêrt û Amedê de ma. Dure hate berdan, ji tekelê hate avîtin û kocberê bajarê Sakaryayê bû. Li Sakaryayê rêveberîya partîya HADEPê de xebitî. Demekî şûn ve disa hate girtin û di zîndana Sakarya û Geyvê de ma. Di hilbijartina sala 1999 de namzeta xwe ya endamêtîya parlementoyê ji bo bajarê Çorumê danî. Sala 2002 de ji DGM ya Stembolê 12 sal û 6 meh ceza lê hat birîn. Mecbur ma derkete Evrupayê welatê Firansa yê. Li wê jî di nava rêxistinên Hik, Komela Ahmet Kaya û Radyoya Dengê Mezopotamya yê de kar kir. Pirtukekê nivîskar weke helbest bi navê "Evîna mîr Hesen" di sala 2001 de di nav Weşanên Pêrî de çap bû. Ev pirtuka bi navê "Jîyana bextîyar" pirtûka duyemîne ku tê çapkirin. Feyzî Demirag penabere û nika li Firansayê di Parîsê de dijî.
PÊŞGOTIN
Carinan di dawîya demsalên cemidî de, carinan ji gulên li ber bişkivandinê, carinan ji şevên bi sibeyê avismayî, carinan jî di encama rojên aloz û xemgîn de, çirûskek dibe sedema jîyanek bihuştî. Ji ber vê yekê li ser rûyê erdê başî û nebaşî wê tim hebe. Ev çîrokên me yên kevnare jî neynikên jîyana me ne û bi hezaran sal di nav gel de weke wêjeya devkî heta roja îroyîn hatîye.
Di vê berhema birêz Fevzî Demirağ de derdikeve holê ku pêwîstî bi lêkolîn û lêgerînên bi vê awayê heye. Ji ber vê yekê ev xebata û lêkolîna ku ji alîyê nivîskar ve hatîye kirinê hêjayê pesindayînêye. Di civaka me de kêm kes hene ku di nav gel de bi çanda xwe re têkildar bibe û serê xwe bi wê re biêşîne. Cara yekemîn ku min û birêz Fevzî Demîrağî hevûdû li avahîya Roj Tv yê de nas kir, di nava axavtinan de derket holê ku ew ne tenê di medreseyên olî de perwerde bûye, herweha cavdêrek û berhevkarekî j jîr e jî. Bi vi awayê çi ji nav gel girtîye, dikare bi awayek rêkûpêk bide gel û vê wêjeya bi devkî derxîne ser rûpelê kaxezê û wê zindî bike.
Di dîroka gelan de pêşketinên wêjeyî, bi hewildan û berpirsîyarîyên nivîskaran xurt dibe. Ez di wê bawerîyê de me ku birêz Fevzî Demîrağ di vî warê de dikare gelek berhemên hêja derxîne holê û bide xizmeta gel. Weke me di serîde jî gotibû ev çirûsk wê bibe sedema nivîsandina bi sedan çîrokan û di vî warî de jê sû'ûd weregirtinê.
Di encamê de ez dikarim bibêjim ku birêz Fevzî Demîrağ, karekî baş kirîye. Ji ber vê yekê bawerîya min ewe ku, di demên pêş de girîngîya vê xebata wî ji bo gelek kesên ku bi gel re têkildarin re bibe mînak û xwe berpisrîyar bibînin û vê wêjeya devkî ji bo demên pêş di nav rûpelên dîrokê de bicîh bikin.
Silav û rêz!
Cemal Ballikaya
Feyzî Demîrağ
Jîyana bextîyar
Pêrî
Weşanên Pêrî
Çapa yekem:
Stenbol - Adar / 2008
Edîtor:
Ehmed Onal
Redaksîyon:
Cemal Ballikaya
Wêneyê bergê:
Yekitîya wênekarê Komel
Mehmet Kolçakcem
Berg:
Sirma Ajans
Çap û cild:
Kayhan matbaasi
Güven sanayi sitesi, Topkapi -Ist
Tel: 0.212.S76 01 36
Mafê çapê parastî ye
Weşanên Pêrî
Söğütlüçeşme cad.
Pavlonya sok.
Nuhoglu apt. no: 10/19
Kadıköy / İstanbul
Tel-fax: 0 216. 347 26 44
GSM: 0533 488 01 12
e-mail: peri_kitab@mynet.com
e-mail: periyayinlari@yahoo.com.tr
ISBN: 975-9010-86-0
