Alfabe
M. Emîn Bozarslan
Invandrarförlaget
Dîyarbekır
21/3/1968
Bırakê mınê hêja Memo,
Ez jı mêj ve dıxwazım jı te ra name bışînım. Lê jı ber xebata dı dersan da mın heta nuha fersenda nıvîsînê nedît. Ez hêvî dıkım ku tu dê lı mın negırî.
Tu çawa yî? Dersên te çawa dıçın? Lı Wanê çı heye, çı tune? Jı bıl xebata dı dersan da tu çı dıkî, wextê xwe yê vala bı çı dıhêjînî? Mamostayên dıbıstana we çawa nın? Tu jı wan dılxweş î, yan na?
Ku tu pırsa mın bıkî ez baş ım. Pırê wextê mın bı xebata dı dersan da derbaz dıbe. Wextê mın ê vala pır hendık e. Ez vî wextê xwe jî bı xwendına pırtûkên bêjeyî dıhêjînım. Carna jî dıçım ser Zınarê Fîsê lı Dîclê dınêrım, û bı vî awayî bêhna xwe der dıxım, xemên dûrîya jı malê dırevînım.
Dersên mın baş dıçın. Ez bawer dıkım ku ez dê dı dawîya sala xwendınê da jı sınıfa xwe bıbûrım. Mamostayên me pır baş ın, jı dıl dersa me dıdın û pır me dıevînın.
.....
PEŞGOTIN
Amanca ve Alfabê ev e ku bı awakî hêsan xwendın û nıvîsînê hînê xelkê, xasma hînê xortan bıke. Lê dıvê ku ev hînkırın bı alîkarîya xwendayan bê pêkanîn. Lewra xelk jı ber xwe: ve nıkare hînê xwendın û nıvîsînê bıbe.
Ev Alfabe bı awakî wısa hatîye nıvîsîn ku, mırovekî xwenda bı alîkarîya ve Alfabê dı demeke kurt da dıkare xwendın û nıvîsînê hînê gelek mırovên nexwendî bıke.
Jıbo hêsankırına vê yekê me Alfabe kır du pışk:
1 - Pışka herfên gır.
Me dı rûpela çaran û pêncan da herfên alfabê gışt bı herfên gır nıvîsîn û lı tenışta her herfekî ayîna hebûyekî ku ser navê wî ew herf e çê kır, lı ber wê ayînê jî navê wî hebûyî nıvîsî. Bı vî awayî xwendevan, bı alîkarîya wan ayînan dıkare herfên alfabê yên gır bı hêsanî hîn bıbe.
Pıştî wî me jı her herfekî ra rûpelek cıhê kır. Dı ve rûpelê da me çend kelîmên ku bı wê herfê dest pê dıkın, lı bın wan jî çend cumlên ku serêd wan ew herf e nivîsîn.
Dı her rûpelekî da jî ayînek lı gora babetê cumlekî jı wan cumlan hat çêkırın.
2 - Pışka herfên hûr.
Pıştî xılasîya herfên gır me dı rûpela 32 û 33'yan da herfên alfabê gışt bı herfên hûr nivîsîn û dîsa lı tenışta her herfekî ayîna hebûyekî ku ser navê wî ew herf e çê kır.
Lı dû vana me jı her herfeke hûr ra jî rûpelek cıhê kır û dı wê rûpelê da berê çend cumlên ku bı wê herfê dest pê dıkın, lı dû wan jî babetekî ku ser wî ew herf e nıvîsî. Bı vî awayî xwendevan hînê xwendına herfên hûr en dı nava cumlan û babetan da dıbe.
Me dı her rûpelekî da jî ayînek lı gora babetê wê rûpelê çê kır.
Dı rûpela 60 û 61'ê da jî me dîsa herfên alfabê gışt nıvîsîn û lı tenışta her yekê ayîna dengekî ku bı wê herfê dest pê dıke çê kır.
Dı rûpela 62'yan da jî me hejmar nıvîsîn.
Dı rûpela 63'yan da wekokek pîrozeka cejnê û wekokek pîrozeka sersalê hat nıvîsîn.
Dı rûpela dawî da jî wekokek nameyê hat nıvîsîn.
Em hêvî dıkın ku bı alîkarîya ve Alfabê xwendın û nıvîsîn dı nava xelkê me da belav bıbe, û gelek xortên me dı demeke kurt da bı navberîya vê Alfabê xwe jı tarîtîya nexwendın û nezanîyê der xînın, bıgîjın ronahîya xwendın û zanînê.
Ku ev hêvîya me bı cî bê, em dê xwe gelek bextewer bıhesıbînın.
Gelek sılav û evîn
27/3/1968
M.Emîn Bozarslan
M. Emîn Bozarslan
Alfabe
Invandrarförlaget
Invandrarförlaget
Alfabe
M. Emîn Bozarslan
Çapa pêşîn: Istanbul, 1968
Çapa dıduyan: Borås-Swêd, 1980
First published Istanbul 1968
Second edition Borås, Sweden, 1980
© M. Emîn Bozarslan
Invandrarförlaget
Kvarngatan 16
S-502 44 Borås, Sweden
Borås 1980
ISBN 91-85242-33-0
| 
