Gorse
Wareyê şêr û pilingan. Wareyê heş û cinawiran. Wareyê luy û hargûşan. Wareyê leheng û qehremanan.
Gorse... Dûrî ra dar û ding, deye û zinaran ra vêşêr çîyê nêaseno. Gorse, binê ey de Xirbe û Newalê Teyaran sey verrî asenî. Kîşta çepî de Arê Bazirgêrî estî. Çal û aranê leweyê koyan de her tewir dar beno; darê derg û qalinî; azgelêrî, mazêrî, şabloyêrî, loxpêrî, venêrî...
Merdim bide nêresaynî, kevnar bîbîy, zereyî inan pûç bibi. Şiwanan bizi berdini binê Gorseyî de çerînaynî. Gorse resayîş zehmet o, berz bi. Rayîr nêşîynî qayme. Paştî ra Însan zehmet rayîrî ser kewtinî. Ca-ca lem û vaşî rayîr qefelnaynî. Însan gerek pê darey xo ra ver rayîr biweçinayni ke bişiro qayme.
Camêrdan ê darê kevnarî birnaynî, qafê înan ra gedan rî kurnî viraştinî. Ê kurnan de dayikan gedeyê pêçekî hewinaynî, şewanê derg ü tarîyan de pê deyir û lorikan hewn a kerdinî.
Bizi û gayî zî bide nêresayni ke velg û vaşê ey biwerî. Vaşê merjîyel û kuhe qama însanî girewtinî. Baqlayê koyan, ... |