Şiro vekirin, derheqa heywana da bona zara
L. N. Tolstoy
Neşra hukumetê seksia kitêbê kurmanca
BÛLKA
Sekî minî bevl qalin hebû. Navê wî Bûlka bû. Ew bi temamya xueva qerû qerqaş reş bû, tenê ser lepê wîe herdu lingê pêşin spî bûn.
Hemû se, jê ku bêvlê wana qalinin çenê wane jêrin ji çena jorin diha dirêj e û dranê jorin diha zef derva ketî ne. Lê çena jêrine ya Bûlka ewqas pêşda ketibû, wekî meriv dikarbû orta çena jorin û jêrin tilya xue dayne. Rûyê Bûlka fire bû, çevê wî mezin, reş û biriqî bûn, him dranê wîjî tuj, him jî dranê spî axirîyê timê derva werimî bûn. Bûlka bi aqil bû kesekî nedigest, lê gelek qewat bû û şeer hiz dikir. Diwewimî usa, wekî wextê ku ew ji tiştekî digirt, paşê dranê xue dida ser hev, mîna kincekî pêva darda dibû û wî, çewa gene, bi tu tehrekî meriv nikarbû jê bida berdanê.
..... | 
