Veng û vate
Deniz Gunduz
Birêz Îsmaîl Beşîkçî, gelek wexto ke ez nuşteyanê cenabê tu bi baldarî teqîb kena, açarnena kurdkî. Rey rey, ez wina his kena ke tayê çî estê, seke tam îzeh nêbenê, nênê îzehkerdiş. Mesela, ti zaf rey tekîd kenê ke nasyonalîstîya tirkan gelek huşk a, qet nerm nêbena, nêvurîna. Sey nimûne, nuşteyê bi sernameyê "Komeleya Piştgirîya Cuyê Hemdemî Çi Dana Kurdan?" de zî û tayê meqaleyanê ke to verê cû vila kerdê de zî, ti tayê fenomenan muqayese kenê û wina vanê: "Temsîlkarê ê fehmê ke Nelson Mandela 27 serrî heps de verdabi, yanî De Klerk, bi yawerê Nelson Mandelayî. Na musnena ke, Afrikaya Başûrî ya ke sey dewleta tewr nîjadpereste yena namedayîş de zî nasyonalîstî hende huşk nîya.
De Klerkê ke Nelson Mandela 27 serrî kerd heps, badê weçînayîşan yawerîya Nelson Mandelayî qebul kerde. La Tirkîya de, fikro resmî zaf huşk o, qet nêvurîno. Yew îdeolojîya resmîya zaf huşke ya ke qet nêvurîna, kena ke yew cematê ke leze vurîno, idare biko."
..... | 
