Serpêhatiyên Tom Sawyer
Mark Twain
Avesta
Ev çîroka wêjeya amerîkî ku li ser zarokekî bêar hatiye ava kirin, ji sala ku hatiye weşandin (1876) û vir de tesîrek mezin li ser cxendevanan hiştiye.
Xwe ji serpêhatiyeke bi talûke re amade bikin.
Di van çîrokan de hun ê gelek tiştan ji zarokatiya xwe jî bibînin.
1. TOM SÊNCÊ BADANE DIKE
"Tom!"
Bersiv nîne.
"Tom!"
Bersiv nîne.
"Çi li vi kuri hat dîsa? Hêê Toom!"
Bersiv nine. Pîrejinê berçavkên xwe hindekî daxistin û çavên xwe li rex û çanên odeyê gerandin.
"Baş e! Heke tu ber lepên min bikevî, ez ê..."
Gotina xwe neqedand, ji ber ku niha tewiyabû û bi gêzikekê seh dikire bine ranzeyê.
"Min kurên wekî wî hîç nedîtine!"
Çû ber deriyê vekirî û li wir berê xwe da nav bacan û giyayên baxçeyî. Tom diyar nake. Bi dengekî bilind bang kir:
"Law Tom!"
Dengedengekî sivik bihîst li pişt xwe. Durist di wextî de zivirî da ku lawikê biçûk, di navmilên sakoyê wî re bigire û nehêle ji nav destan bifilite.
"Wê derê! Min çima fikra wê dolaba veşartî nekir heta niha? Te çi dikir li wir?"
"Çu tişt."
"Çu tişt! Li destên xwe binêre. Li devê xwe binêre. Ev çi ye?"
"Nizanim Xalet."
"Belê, ez dizanim. Rîçal e... Aha ev e. Min sed carî ji te re gotiye, heke tu destê xwe li wê rîçalê bidî ezê te kevil bikim. Ka wê kêrê bide min."
Şivik, li hewa, li ser serê lawikî zîz bû; pir xeter bû...
"Li pişt xwe miqate be Xalet!"
Pîrê li dora xwe zivirî û daw û demana xwe ji xeterê xelas kir. Di gavê de lawikî baz da û filitî. Li ser sêncê (tan, çît) depîn î bilind, xwe havêt û ava bû.
Xaleta wî bîstekê mat ma û paşî bi xwe bi xwe hêdîka kenî.
.....
Mark Twain
Serpêhatiyên Tom Sawyer
Hêlîn
Hêlîn: 3
Tom Sawyer (1876)
Serpêhatiyên Tom Sawyer
Mark Twain
Wergera ji ingilizi: Ergin Opengin
Berg: Azad Aktürk
Rastkirin: Şerîf Derînce
Çapa yekem: 2009 Stenbol
Çap: Berdan matbaası
Sadık Daşdöğen Davut Paşa cad.
Güven san. Sit. C blok, no: 239
Topkapı / İstanbul
Tel: (0212) 613 12 11
© Avesta, 2009
Ji xeynî danasînê bêyî destûra weşanxanê bi tu awayî nayê kopî kirin.
Avesta basın yayın reklam tanıtım müzik dağıtım ltd. şti.
Hüseyin ağa mahahallesi,
Sakız ağacı caddesi
Öğüt sokak, no: 7,
Beyoğlu / İstanbul
Tel: (0212) 251 44 80
Fax: (0212) 243 89 74
Ekinciler caddesi
Nurlan apt. giriş katı no: 2
Ofis / Diyarbakir
Tel - fax: (0412) 223 58 99
www.avestakitap.com
info@avestakitap.com
ISBN: 978-9944-382-70-0
