Dara sêvê
Mûrad Dildar
Hêlîn / Avesta
Hebû tunebû, li welatekî dûr axayekî pirr dewlemend hebû. Navê wî Nêçirvan Axa bû. Baxçeyekî wî yê xweşik û pirr mezin hebû. Gul û kulîlkên reng bi reng di nav vi baxçeyî de şîn dibûn. Gava bîhna gulan li nav baxçe belav dibû, meriv ji wê bîhnê mest dibû. Ji vî baxçeyê xweşik û mezin re digotin Baxçeyê Heftreng. Ji bo gul û kulîlkên Baxçeyê Heftreng bîhn bikin û li rengên wan ên xweşik temaşe bikin, ji welatên dûr meriv dihatin dîtina Baxçeyê Heftreng. Ji bo gul û kulîlkên vî baxçeyî resim bikin, wênesazan rengên xwe yên herî xweşik hildibijartin û reng li rengan zêde dikirin. Ji bo li ser vî baxçeyî bibarin, dilopên baranê bi hev re diketin pêşbirkê. ...
Murad Dildar: Di sala 1966ê de li Diyarbekrê, li gundê Elîparê hatiye dinyayê. Dibistana pêşîn û lîse li Diyarbekrê xelas kiriye. Li unîversîtê beşa felsefê xilas kiriye. Bêyî çîrokên zarokan çarînan jî dinîvîse. Bi navê "Qesra Spî" (Hêlîn, 2009) berhemek wî heye. | 
