Sayê marû
Alî Aydin Çîçek
Vate
"Roza jîye reyna sono nêçîr. Ko ra fetelîno qayt beno ke eke jî maro șîyawo şitqirî eke jî mara belekine pêgureta. Eke nano ra dime çîkayîşê mara belekine șono hard şono asmên. No kî til-tilikanê xo cêno destê xo, nîșanê marê șîyay cêno. Maro şîya xo civirneno sono gûneno mara belekine ra. Sono gûneno mara belekine ra mara belekine xo xelesnena ra. Xora mara belekine çêna Şayê Maran a. Bena yaralî, goşarê xo kî beno vîndî, remena teknena ci sona.
Mahmudê Xale tekneno êno çê. Êno çê tabî cenîya dê ci rê çay ana, non ana. No a roze qe moralê xo ca de nîyo. Moralê xo ca de nîyo henî duşunmuş beno, henî uzulmîș beno cenike vana:
-Mahmud to her saate șîyêne nêçîr amêne to keyf kerdêne, to huyêne, to lex kerdêne. Ewro to rê se bîyo?"
| 
