Deyndar

Deyndar

Hesen Dilawer Dêrsim

Vate

Mîyanê rindîye, weşîye, sulan û cenetî de rakewe. Çîyo ke to mi ra vatîbî, wexto ke ez vejîyaya teber mezela maya xo ser o ez do vaja. Nika na mektube de zî dibare kena, çimê ciwîyayîş û heskerdena mi. Dayê! Ê derd, kul, dej û êşê ke seba mi zereyê to der ê bierzê, caverdê, ê wa zerrîya to ra vecîyê û bixelesîyê. Wa zerrîya to rehet bo. Wa ruhê to rehet bo. Rehet rakewe. Wa çimê to pey de memanê. Timûtim bi mi ra bê. Ez to heta axirê emrê xo cenetê zerrîya xo de dana we. Heskerdena xo ya bêsînore to rê ruşnena. Verê vîrîardişê to de birêz bejna xo derênena, destanê to baçî kena.

QALA VERENE

Înanê ke nê ziwanî rê heta nika xizmet kerdo, no ziwan pawito, aver berdo, ez pêrune rê rêzdar a. Zaf sipas kena. Zafêr zî dayîkanê ma rê. Ê dayîkê ke bi nê ziwanî heta ewro qesey kerdo û ma bi nê ziwanî kerdîme pîl.
Eke bi nu§tena nê kitabî game kî bo ziwanê ma rê xizmet bêro kerdêne, ez zaf keyfweş bena û na mi rê xelat û rûmetade pîl a.
Qeseykerdiş, nuştiş, wendiş, averberdiş û heskerdişê ziwanê xo de bimanerê.

Hesen Dilawer Dêrsim

Bizane ke ez merda

Eke yew roje ti ameyî û to ez nêdîya
Bizane ke ez uca der a.
Eke ti ameyî uca zî û hewna to ez nêdîya
Bizane ke ez cayo dûrêrî der a.
Eke ti ameyî o cayo dûrêrî zî
U oncîna to ez nêdiya
Xemgin mebe
Vilikade sûre zerrîya hardî de rone
Û bizane ke ez merda.

I

Usiv hîna xort bî pîyê ey merd. Çend serran ra tepîya zî maya ey merde. Wayê ey çin bîy. Birayê ey estîbîy. Seba ke birayo pîl bî zawecîya. Qaytê birayanê xo kerd. Wendena Ûsivî çin bîye. Tena le§kerîye de tayê Tirkî musaybî. Citêrî û rêncberîye kerdêne. Zimistanan zî șîyêne xerîbîye de, şaristananê girsan de gurîyayêne. Hebe na ked û xebate, birayê xo dayî wendene, kerdî pîl, zewacnayî û keye ra cîya kerdî.

Cinîka Ûsivî ya verênê ra hîna qet doman nêbîbîy, neweș kewte û merde.

Ûsiv, merdena cinîya xo ra di serrî tepîya yew kênaya merdimanê xo de zewecîya. Nameyê cinîya ey Zerîfa bîye. Zerîfa zî bi vatena pî û maya xo no zewac qebul kerdîbî.

Domana înana verêne yew kêneke bîye. Nameyê aye na pira Medîne. La Medîne çend rojan ra pey merde.

Ûsiv û Zerîfa teselî da yewbînan û yewbînan ra vat:

Hesen Dilawer Dêrsim

Deyndar

Vate

Weşanxaneyê Vateyî
Kitab: 79, roman: 6
Deyndar
Hesen Dilawer Dêrsim

©Hesen Dilawer Dêrsim
Weşanxaneyê Vateyî

Îstanbul, 2014

Çape: Berdan matbaacikk
Davutpaşa cad. Güven sanayi sitesi,
C blok. no: 239
Topkapi/istanbul
Tel: (0212) 613 12 11

Edîtor: Deniz Gunduz
Redaksîyon: Deniz Gunduz
Nuştişê tekstî: Hatice Özen Çiçek
Mîzanpaj: Deniz Gunduz
Resmê qapaxî: Tekin Firat
Xebata qapaxî: Minife Yıdizhan

Weşanxaneyê Vateyî / Vate Yayınevi
Katip Mustafa Çelebi mah.
Tel sok. no: 18 kat: 3
Beyoglu / îstanbul

Tel: 0212-244 94 14
E-posta: wesanxaneyevateyi@hotmail.com

ISBN: 978-975-6278-75-8