کاریگەری جۆغرافیای سەروو فەرهەنگوو هەورامانی و شۆنەماش دلێ ئەدەبیات و فۆلکلۆریەنە
(نۆتشە پێسەو مەحاڵێوێ تایبەتێ جە هەورامانەنە)
کوورش ئەمینی
لەسەر ئەرکی نووسەر بە چاپ گەیەندراوە
ئەرەمتەو باسەکەی
شارستانیەتێ کۆن و سەقامگیرێ، وەرپێک چنی ژیوگای جۆغرافیایی، گرد سات و وەختێو جه پەیجۆری و تۆهۆردای ڕاهەرمانێوێنه بیێنێ که تووڕەیی و سەرسەختی تەبێعەتی ترانز کەرا و ئەپی ڕواڵەته به سەقامگیری بەشەری چا جۆغرافیانە مەنایی بەخشا (پاپلی یزدی، 1381 : 120 - 243). هەورامان به بۆنەو بیەی بڕێو فاکتێ تایبەتێ پەی ژیوای، یۆ جه یەکەمینوو ئا یاگا بیەنه که ژیوای یەکجانشینیش زمنه کەردەن و وازش جه ژیوای کۆچبەری ئاردەن. هەر پی دەلیلێوه فەرهەنگێوی دێرین ڕەسەن و وێمانەش هەن که شەپۆلێ دەورووبەریش کەمتەر فاڕان. مەسەڵەن جه پیمانه و پێوەرە گێرتەی چنی وەڵاتەکێ دەورووبەریش کەمتەر زوانەکەش فاڕیان و نامێ فرەو کەش و کۆ و کەمەر و شار و دەگاکاش ڕەسەن وێمانەن...ژ |