Gunehên Xweşik

Gunehên Xweşik

Vînos Fayiq

Avesta

Nizanim
te çawa ji min hez kir?
ku te dizanî
hemû rojê
dest û pencên reşeba
min dinivîsin
Lêvên ewir
min bo erdê dixwîne

Vînos Fayiq, li şarê Silêmanî ji dayik bûye. Di sala 1996an de ji Kurdistanê derçûye û niha li Holanda niştecî ye. Ji 13 salî de dest bi nivîsîna şi'rê kiriye. Xwendina xwe ya seretayî bi zimanê erebî û fransî li Cezayir bi dawî kiriye. Lîse jî bi zimanê kurdî û erebî li Silêmanî xwendiye. Xwendina xwe ya bilind li Bexdayê bi dawî aniye. Xwediya Xelata Anqaya Zêrînî ya Navnetewî bo Afirandina Wêjeyî ye. Di gel grûbek ji şa'irên Iraqî, beşdarî di çapkirina du berhevokên şi'ran bi zimanê erebî û holandî kiriye. Cîgira serokê Navenda Rewşenbîrî ya Kurdî li şarê Denhag-Lahey li Holanda ye. Endama desteya rêvebir a gelek rojname û kovaran e. Şi‘rên wê bi navê “Gunehên Xweşih" (2000) çap bûne.

Naverok

Gunehên xweşik / 11
Welatname / 20
Helbest / 26
Derew / 29
Sîber / 32
Serê niştiman dêşe / 34, 27-9, 39
Konek bo biyanîbûna min
Konek bo tenhabûna min / 44
Rêwttî / 48
Bazinên tarîtiyê / 51
Ax... ez ji vir hez dikim / 56
Tiriyên ruhê min / 58

PÊWÎST E BÊ GOTIN

Helbest min mişt dike ji guneh û min paqij dike û min ji benderên tirsê derbas dike û bazinên tarîtiyê bo min ronak dike. Nimêja min helhest e û bi helbestê dişewitim û her bi wê jî şîn dibim...

Eger hevjînê min wê roja min markir, ji min bipirsiya, heza te li çi ye li ser bê markirin? Min ê jê re bigota: Dêrek helbest. Helbest dibe sîber ji bo birînên min, di wextekî de ku kêr dixwazin min zêdetir birîndar bikin, derewê di gel min de nakin, hal nabin û cû di hewara min de tên, hemû salekê bo salvegera ji dayikbûna min, bi yek dêrc bejî min bi janê dixe... kon in bo bivanîbûna min, kon in bo tenhabûna min. Di gel wan rêwîtî dikim û min li şûn xwe nahêlin û di gel wan vedigerim... di gel min bo bîrhatinên Enfal û Helebçe digrin, û bi van kurd im û bi wana jin im û bi wana mirov im...

Tenha û tenha bo helbestê dikarim raza dilê xwe beyan bikim. Ew razên pêşkêşî helbestê dikim xwedî rengekî din in, rengê wan ji rengê gunehê helbestê ye. Ev berhevoka dengekî piçûk e, hewldaneke bo himêzkirina xewnan. Hewldaneke bo gunehkirinê, lê belê gunehên xweşih û pak bûn ji ew gunehên ku me bi dizî ji helbestê kiriye.

Vînos Fayiq

Gunehên xweşik

Ax...
ji efsûna wan çavên te
her wek serxweş
te ez di pêka maçekê de
niqum kirim
guhê min li dengina
dengê te bû
ji fezaya qirka te dihat
û hemû xanên laşê min
hişyar dikir
te ez ter kirim,
serxweş bûm
ku te ji min re got:
"Ez te xweş divêm."

Ax...
ji wê roja te min
li cî hişt
zeman jî
min li cî hişt
şûn di jêr piyê min de
winda bû
di sîbera
şeveke xweyî tenhayî de
rûniştim
min dîroka
gunehên xwe yî xweşik
ji birîqa çavên stêrkan
re dixwend
terîşên tawanên
min î rengînî
bi hev girêdida

.....

Vînos Fayiq

Gunehên Xweşik

avesta

Weşanên avesta
avesta | Şahmaran :215 | 6
Gunehên Xweşik
(Şi'rên Bijarte)
Vînos Fayiq
Ji Soranî bo Kurmancî Dilşa Yusuf

Edîtor: Rûken Bağdu Keskin
Berg: Genco Demirer
Rastkirin û Mîzanpaj: Avesta
Çapa Yekem: 2007, Stenbol
Çap: Bariş Matbaacilik

© Avesta, 2006
Ji xeynî danasînê bêyi destûra
weşanxanê bi tu awayi nayê kopîkirin

Avesta Basın Yayın
Reklam Tanıtım Mûzik Dagıtım Ltd. Şti.
Hûseyin Aga Mahallesi
Sakiz Agaci Caddesi
Ögut Sokak No: 17
Beyoğlu / İstanbul
Tel-Faks: (0212) 251 44 80
(0212) 243 89 75

Ekinciler Caddesi
Nurlan Apt. Giriş Kati No: 2
Ofis/ Diyarbakır
Tel-Faks: (0412) 223 58 99

ISBN: 9944-382-12-4