Çarîn: ji Çem bi Derya
Sabah Kara
Nûbîhar
Ev çarînên ku niha bi navê Çarîn, Ji Çem Bi Derya wek kitêb hatine weşandin, cara ewil ji Gulana 1993yan, heta îlona I996an di hejmarên 8 heta 48ên kovara Nûbihar de û di bin navê Nuqurç de weşiyabûn. Navê nivîskarê wan, wê demê wek Mela Qasim di kovarê de cih girtibû; ku Mela Qasim, navê mustear ê Sabah Kara bû. Bi navê xwe yê wê demê Nuqurç, gellek bala xwendevanan kişandin û zehf hatin ecibandin. Em bawer in ku berhevkirina van çarînan di kitêbeke weha de, wê hê zêdetir bala xwendevanan bikşînê.
Sabah Kara helbestvan, nîvîskar û wergêr e. Sabah Kara di sala 1960'î de li Nisêbîna Mêrdînê hatiye dinê. Di gelek kovaran da xebitîye û berpirsîyatiya wan kirîye. Sabah Kara di derketina kovara Nûbiharê de cî girtiyê û bi salan berpirsîyarê giştî yê kovarê bûye. Heta niha bi qasî 25 pirtûk bi zimanê tirkî û kurdî derxistîye. | 
