Derdo
Alan Osman
Gornepaş
bes tenê ji te re
lêvên min bendewar in
ey girnijîna
li malzaroka hêvî ya avis
di girêkê de
di qalikê hêkê de
tu hatîyî givaştin
pêçandin ?
ji canên kuştiyan
ji xewnên birçîyan
ji hêrsên sêwîyan
tu hatîyî veristin
.....
Naverok
1 - stêr
2 - gimijîn
3 - pakrewan
4 - çîrok
5 - dinya
6 - viyan
7 - dilo
8 - demsal
9 - mûristan
10 - findikê
11 - amed
12 - mêzopotamya
13 - hingiv
14 - heste
15 - derdo
16 - qaxbûn
17 - dînê me
18 - xwîna te
19 - tol
20 - gixe bive
21 - berf
22 - zindane
23 - bawerî
24 - vên
25 - helebçe
26 - pêl
27 - mûdêl
28 - islam
29 - temeno
30 - zinzane
31 - dîlan
32 - mizgîne
33 - azadî
STÊR
stêra komika sêwîyan
buhira çete û rêwîyan
demsalên jîna te
ji qûma hîcazî raxistî ne
gulzarên mejîyê te
ji qata yemenî çandî ne
li ser rêka kadizan
ji komika sêwîyan
tu xûneke kurdî dinisilî
werrê bêdeng
di tayê de diqilqilî
li nav çeteyan
di tenayiyê de dişerpilî
sîwana te ji mêj de tarîye
li ser bênderên solan
şal û şapikên bi xûn
fire fire vegirtî ne
pencerên te dergehên te
ji şûnîyê re vekirî ne
nalên ciwanî-hespekî
pêlavên mendalekî
û rextê canbazekî
bi wan ve daliqandî ne
û çavên te
kovîyan dibarînin
û gîya hişke
mîna xûnê reşe
erê û hûn
ey kujerên kovîyan
de bihêlin bihêlin
bera kovî biçêrin
bera gulle bera xencer
di noqan de bimînin
nîşanên civata merivatîyê
bimînin bimînin
bes tenê bihêlin bihêlin
bera kovî biçêrin
rêka wan pirr dûr e
hawîrdora wan zûruzûr e
û ew mijûl in diponijin
li panavên mejîyan
dûrbûnan dipîvin
rûtkirî bê çek
di cengên ramanan de
di nav ar û dûmanan de
wan kurt dikin dikujin
û Qertel
ji doxên xenceran
ji şopên gulleyan
dilopên navdilan
gulavên sorgulan
dialêsin dimijin
dialêsin dimijin
Gîrnijîn
bes tenê ji te re
lêvên min bendewar in
ey girnijîna
li malzaroka hêvî ya avis
di girêkê de
di qalikê hêkê de
tu hatîyî givaştin
pêçandin ?
ji canên kuştiyan
ji xewnên birçîyan
ji hêrsên sêwîyan
tu hatîyî veristin
hûnandin?
ez jî yekî evîndar im
ji te re ez bendewar im
ey destpêka kenê min
û girnijîn
.....
Alan Osman
Derdo
Gornepaş
Weşanên Gornepaş
Derdo
Helbest
Alan Osman
dîwana - 2 - an
mafê çapê parastîye
çapkirina sala 1995 an
çapxana gormepaş
| 
