Bi xatirê te zimano
Felat Dilgeş
Nûbihar
Bi xatirê te zimano
Bi xatirê te zimanê şêrîn,
Lorîka dayê,
Şîreta pîrê,
Çîroka kalê
Ev xatirek her û her,
Xatirek çûna bi nehatin e.
Bi xatirê te zimano,
Piştî hezar salan bi xatirê te.
Bi xatirê te,
Mîrasa herî mezin a bav û kalan,
Em hê sax bûn,
Te li pêş me kirin talan
Felat Dilgeş di sala 1965ê de li gundekî Pasûrê (Qulpê) yê bi navê Duderya hatiye dinê. Xwendina xwe ya seretayî û navîn li Farqînê, ya Lîseyê li Licê temam kiriye.
Li Unîversîteya Stenbolê Felsefe û siyasetzanî xwend. Di sala 2000ê de, li Unîversîteya Stenbolê, di warê siyaseta navneteweyî de doktoraya xwe kiriye.
Heta niha di gellek kovar û rojnameyan de nivîs nivîskarî kiriye. Di sala 2002yê de, di derxistina kovara edebî û kulturî Gulistanê de, roleke girîng leyistiye û berpirsiyartiya wê ya giştî kir.
Naverok
Pêşgotin / 7
Bi xatirê te zimano! / 9
Bi sozê mêrên berê / 21
Keko / 25
Deoxirbe! / 30
Bêbextiya salan / 34
Bûka malê / 39
Helaljitere! / 45
Xorto / 46
Hawar / 50
Ey Kurdê kurdkuj / 53
Nezanî / 60
Mede dû / 61
Welato / 62
Amade be / 63
Rojlievînê / 64
Do / 68
Jiyan çengekbişirîn e / 70
Wek ku gunehekî xwe veşêre / 76
Apê Hemecan / 79
Em sê bira bûn / 83
PÊŞGOTIN
Helbestên jêrîn ji salên1990an vir ve, nav bi nav hatin nivîsîn. Pirraniya wan di Kovara Nûbiharê de, hebek du-heb jî di kovarên din de çap bûn. Belê çend ji wan, cara pêşî di vê kitêbê de dertên. Min bala xwe dayê ku yek bi yek hunda dibin. Çimkî arşîveke min a bi pergal û sererast tune û ez di vê yekê de zêde jêhatî nînim. Gava ku min ev helbest dan hev, mixabin ku ez negihîştim hin helbestên xwe û loma di vê kitêbê de cih nestandin. De îcar ya ji destê min hat û ya li ber dest ev in. Hêvîdar im ku bi dilê we bin.
Felat Dilgeş
Bi xatirê te zimano!
Ji Kurdên ku di mala wan de bi Kurdî nayê peyivin re...
I
Kerelal im,
Ji kurî ve dinalim.
Bêzar im,
Bi dest û lepan,
Biserî,
Bi çav û biriyan dibêjim.
Hêvî nema ku bi Kurdiya xweş bibêjim.
II
Nayê bîra min ji kîngê ve û çiqasî,
Bê çawa ku me hev nasî,
Belê gotina pêşî, min bi te got.
Pirsa pêşî jî, min bi te kir,
Min bi te xwest ji dayikê av û şîr,
Giriyê min bi te, lorîkirina dê bi te bû.
Hingê çiqas qedrê te li ba me hebû!
III
Zimano,
Niha ez dibînim.
Xatirxwestina her xêrhatinê heye.
Û îro ez hatime xatirxwestinê.
Bi xatirê te zimanê dê,
Zimanê bav û pabîr û kalan.
Min nasnama xwe,
Di kolana Tirkan de hunda kir,
Loma ez hatim xatir ji te bixwazim,
Nema êdî kes li min bike gazin.
Ne ez bi xwe dizanim,
Ne êdî kes min dinasin.
.....
Felat Dilgeş
Bi xatirê te zimano
Nûbihar
Weşanên Nûbiharê
Nûblhar.-169
Bi xatirê te zimano
Felat Dilgeş
Editor
Süleyman Çevik
Berg
Xelîl Dost
Mîzanpaj
Erdal Yildiz
Çap
Alioğlu Matbaacılık Bas. Yay. ve Kağ. San.
Tic. Ltd. Şti. Orta Mah. Fatin Rüştü Sk.
No: 1-3/A Bayrampaşa / îst.
Tel: 0212 612 95 59
Çapayekem: Gulan 2003 (Weşanên Elma)
Çapa duyem: 2014
ISBN: 978-605-5053-25-3
Yayın Sertifika No: 16919
Nûbihar
Pak Ajans Yayıncılık Ltd. Şti.
Büyük Reşitpaşa Cad.
Yümni iş Merkezi No: 22/29
Vezneciler-Fatih-îstanbul
Tel&Faks: 0212 519 00 09
www.nubihar.com | email: nubihar@gmail.com
