Mitale

MITALE

R'enga dirêjtir ew mitalene,
Wekî nahêlin șevê pazêyî
Qey ag'rîya wan mitala t'une,
Nizanî çawa serxweda bêyî

R'ê ag'rîêda te dibe cîkî,
Tu bi xwe zanî, ku k'uda diçî,
R'êda tu zanî, wekî te çikî -
Westîaybî yanê jî birçî.

Lê mitale qey lîl-cim'cimene,
Ku te dik'ișînin nav k'ûraya xwe,
Û boy te, bira, her kes jî zane
Ne r'oja ça r'oj, ne jî xewe xew.

1972

Kuç'ik

Kuç'ikê vêse,
Pașê baê bê
K'ozîê bilde belake dinê
Û dewsa kuç'ik bira her t'enê
Wê r'êçeke r'eș, melûl bimîne.

.....