ESTANIKÎ
Kal Mûseni Zeydûnû
Rojêkî rojûn mîyûn di, helêkî helûn mîyûn di Dewa Sîmserkîsî di Mehlayê (Taxa) Mûsênûn di, Kal Mûsên, cinîya yî Tac û pûtî (gedey) yî pîçêk Ablaş û Cerih ciwîyênî. Kal Mûsên wayîrê dişmenûn o. Ay dişmenûnî yî ra yew zî Memo Gergerij o. Rojek Kal Mûsên, cinî û pûtûnî (gedeyûnî) xû Ablaş û Cerih keye di roniştaye benî. Eşnawenî ki delê dawudû ha lawena.
Kal Mûsên Cinîya xû ya Tac ra vûno: - Cey çî esto, delê dawudû betal-bîlaq nêlawena.
Cinîya yî ya Tac zî ageyrena Kal Mûsênî ser û vûna: -Kal Mûsênî Zeydûnû Xismê vist û pûnc tenû Delê dawudû ha lawena Mergî rê mirena Çiray zî zûrî nêkena.
Kal Mûsên zî: -Tacê hey biewni teberî Del nika ha lawena Mergî rê mirena Çiray zî zûrî nêkena.
Inay ser Tac berî keyî akena şûna ewnîyena teber, hêna agêrena zere, xû nûna kîştê berî ver a û vûna: -Kal Mûsên çimê mi Kal Mûsên ruhê mi Kal Mûsên gûnê mi Del raşt a ha lawena Mergî rê mirena Çiray zî zûrî nêkena Ti yew kalo kewte yî Ti yew hako pewte yî
Sekbazû (çekdarû) girewto serî sifirnîyû Derbazû (Tîrbazû) girewto binî perçînû Esparû girewto mîyûnî Hêgayê Şiqû2 Memo Gergerijî zî girewto verî berû.
Kal Mûsên: -Tacê, ez to ra vaco qala weși, șime milla ti pey qala weși Memo Gergerij ray bikera peyseri.
1 -Deway Sîmserkis: Yew dewa zaf kehen a. Tîya ra texmînen 300 serrî ra verî tede 700 keye beno. Ez nêzano çi sedem ra raşîye ya, nika bîya nêzdîyê 200 keyeyî. Nezdîyê 1 50 keye zî bar kerdo sîyo şaristananê cîya-cîyayan de mesken dayo. 1 986 di Dewleta Ttrkîye Mîyarûn (Mîyaran) kena bacarok (ilçe) û dewa Sîmserkîs? zî kena yew mehlaya ey. Nameyê ey zî bedelnena kena "Gumuşyaka Mahallesi
2-Dêrhega: Dewa Sîmserktse de nameye yew mintiqa yo. |