Dengê Roja Dîl

PÊŞGOTIN

Weşandin û nasdana çanda Kurdî amanca weşanxana Tigrîs e. Dengê Roja Dîl, dibe hejmara duwemîn ku em diweşênin. Di dawiya 1984 de pirtûka yekemîn, Lied Der Aarde, bi zimanê Holandî hate çapkirin. Amanca me ne bes weşandina pirtûkên Kurdî ye. Em dixwazin herweha, pirtûkên Kurdî û lêkolînên li ser çanda Kurdî wergerênin zimanên din û bidin çapkirin. Bi vê yakê, wê çanda zengîn a Kurdistan ji aliyê dinya derve zedetir bê nasîn.

Dengê Roja Dîl, helbestên welatevîniyê ne. Em hêvî dikin ku bi weşana van helbestan tiştekî bidin xwendevanan.

T I G R I S

Weşanxana Tigrîs (Kurdiya wê Dîcle ye) ji aliyê du rojnamevan, yek jurîst, yek sendikalîst û kurdekî di dawîya 1984 de hate sazkirinê. Amanca vê weşanxanê, weşan û nasdana çanda Kurdî ye.