La bibliothèque numérique kurde (BNK)
Retour au resultats
Imprimer cette page

Mewlidê Kirdî


Auteur :
Éditeur : Nûbihar Date & Lieu : 2013, İstanbul
Préface : Pages : 88
Traduction : ISBN : 978-605 -5402-93-8
Langue : KurdeFormat : 135x210 mm
Code FIKP : Liv. Ku.Thème : Poésie

Présentation
Table des Matières Introduction Identité PDF
Mewlidê Kirdî

Mewlidê Kirdî

Ehmedê Xasî

Nûbihar


Ehmedê Xasî, 1867 de nehîyeya Licê Hezan (bi tirkî: Kayacık) de ameyo dinya, 18 sibate 1951 de dinya ra bar kerdo. Mezelê ey goristanê Hezanî de yo. Mîyanê şarî de bi nameyanê sey Ehmedê Xasî, Mela Ehmedê Xasî, Seydayê Xasî, Xocewo Xasî û Xasî namdar o.

Eslê xo eşîra Ziktê dewa Şînî ra yo. Kalikê ey Mela Usman ameyo Hezan de melatî kerda, êdî uca mendê. O bi xo derheqê leqebê "Xasî" de vano: "Verên a qebîleya ma ra vanê 'Xassan', çunke nezerê înan de ê qûlê xasî yê Homayî bîyê, naye ra ez zî sey 'Xasî' yena namekerdiş,"

Tehsîlê xo Medreseya Mesudîye ya Dîyarbekirî de temam kerdo û îcazeyê xo bi tarîxê hîcrî 1 rebîulaxir 1320 (8 hezîrane 1902) de girewto. Xasî demeyêk dewa xo Hezan de, dima Medreseya Mesudîye de muderisîye kerda. Çend serrî (1918 - 1924) zî muftîyîya Licê kerda.



VATEYO VERÊN

Mi no transkrîbe metnê orîjînal ke 1899 de Dîyarbekir de çapxaneyê Lîtografya de çap bîyo ver a kerd. Xora metno ke destê rastî yê nê kitabî de bi alfabeya erebkî çap bîyo, metno orîjînal o.

Transkrîbekerdiş de mi qismê tirkî bi alfabeya tirkî nuşto Qismê erebkî zî mi bi alfabeya latînkî ya kurdkî nuşt. Metnê winasî ke bi alfabeya erebkî nusîyayê, gama ke transkrîbeyê alfabeya latînkî benê, tayê vengan de, mesela vengê "eyn" "..." û"xeyn"ê (..)erebkî de muşkileyî vejîyenê. Mi nê vengî bi nê nîşanî (') îşaret kerdî. Mavajîm, çekuyanê sey be'dê, se'dîyan, 'Ebdullah, şafi'ê ma û çekuyanê sey 'xezal, 'xeyrê min, 'xalîyan, 'xuslêkew sunnet de. Mi vengê "sad"ê (...) erebkî zî bi di "ss"yan nuşt.

Homa ma xeyrê nê zatanê ma yê hewlan ra û duaya wendoxan ra mehrum nêkero.

Roşan Lezgin



Bismilahirrehmanîrrehîm

Ez bi bîsmîllahî îbtîda kena,
Raziqê 'aman ûxasan pîya kena.

Rebbî, hemd û şukrî ancax to rê bê,
Kîbr û medh ûfexrî pêro to rê bê.

Çende ray bê masîwa bi hemdê ma,
Labelê nêrê hîsaban çendê ma.

Hemd û şukrê to eda qet nêbenê,
Ma ser a Rebbî, ti zanê, vînenê.

Halê miskîn ûfeqîr û naqisan;
Rûreş û zerresîyahê zey hesan.

Her nefes de vacê, hemd û şukrê to,
Wacib o bêşubhe ancî heqqê to.

Maneno îne ser o şukrê çiman;
Dest û ling û pîya bi e'ezayê bînan.

Key yeno ca Rebbî heqê şukrê to?
Ger ezel ra ta ebed ma zikrê to.

Tim biker, qet xafilî nêbin mudam,
Her mehalo ger eda ker ma temam.

.....



Ehmedê Xasî, 1867 de nehîyeya Licê Hezan (bi tirkî: Kayacık) de ameyo dinya, 18 sibate 1951 de dinya ra bar kerdo. Mezelê ey goristanê Hezanî de yo. Mîyanê şarî de bi nameyanê sey Ehmedê Xasî, Mela Ehmedê Xasî, Seydayê Xasî, Xocewo Xasî û Xasî namdar o.

Eslê xo eşîra Ziktê dewa Şînî ra yo. Kalikê ey Mela Usman ameyo Hezan de melatî kerda, êdî uca mendê. O bi xo derheqê leqebê "Xasî" de vano: "Verên a qebîleya ma ra vanê 'Xassan', çunke nezerê înan de ê qûlê xasî yê Homayî bîyê, naye ra ez zî sey 'Xasî' yena namekerdiş,"

Tehsîlê xo Medreseya Mesudîye ya Dîyarbekirî de temam kerdo û îcazeyê xo bi tarîxê hîcrî 1 rebîulaxir 1320 (8 hezîrane 1902) de girewto. Xasî demeyêk dewa xo Hezan de, dima Medreseya Mesudîye de muderisîye kerda. Çend serrî (1918 - 1924) zî muftîyîya Licê kerda.

Eserê eyê ke estê nê yê:
1-Mewlidê Kirdî (Mewlidu'n-Nebîyyî'l-Qureyşîyyî), Çapxaneyê Lîtografya Dîyarbekir 1899, 29 rîpelî.
2-Şîîra Kurmanckî.
3-Mulemma.
4-Xezela Tirkî.
5-Menzumetun fî Esmaîllahî'l-Husna (Neway û new hebî nameyanê Homayî ser o yew menzume ya.)
6-Reddîyetun ala îsmaîl el-İs'îrdî (Muftî yo meşhur: îsmaîl Xetîb Erzenî rê derheqê meseleyanê tesewufî de yew reddîye ya. Erebkî û menzum a.)
7-Buşra'I-İbad fî Îlmî'l-Î'tîqad (Serra 1324 [1906-1907] de nuşta. Bawerîyê mezhebê Eşarîyan ser o ya. menzum a.)
8- Kitab-ut Tesdîd bî Şerhî Muxteserî-t Tewhîd, 59 rîpelî (Şerhê rîsaleya Buşra'l-Îbad fî İlmî'l-İ'tîqadi yo. Serra 1351 [1933] de nuşto. Nesr o.)

 




Fondation-Institut kurde de Paris © 2022
BIBLIOTHEQUE
Informations pratiques
Informations légales
PROJET
Historique
Partenaires
LISTE
Thèmes
Auteurs
Éditeurs
Langues
Revues