UNITEYA 1.
Wendegehe Mı
Aqilî berdê sûke de rotê, her kes şiyo hewna aqilî xo hennayo. Vateyê Verênan
Beșê 1. Demê wendene û goșdarîkerdene
Qaydeyê wendegehî
Mamosta derheqê qaydeyanê wendegehî de wendekaran ra perseno û ê zî cewabê ey danê.
Mamosta: Gelo şima ra her yew şêno behsê qaydeyêkê wendegehî biko? Serdar: Ez derse de bê destûrê mamostayî qisey nêkena. Ehmed: Ez sinife de vaz nêdana. Zeynebe: Ez sinifa xo qilêrin nêkena. koşna: Ez wextê xo de yêna wendegeh. Roşan: Ez wextê xo de yêna derse. Dilbere: Demo ke ez meseleyêk vînena, ez mamostayî haydar kena. Zelale: Ez qirşûqalan nêerzena dorûverê xo. Varan: Ez kel-melê embazanê xo bê destûr nêxebitnena. Polat: Demo ke embazê mi qisey kenê ez goşdarîya înan kena. Fatma: Demo ke mamosta derse dano ez qisaya ey nêbirnena. Kerem: Ez kel-melê sinife bi baldarî xebitnena. Bawer: Ez zî heme qaydeyanê wendegehî ana ca.
Goreyê melumatê corênî qayde û nameyan biresnîn yewbînî 1. Bê destûrê mamostayî qisey nêkeno. / Zeynebe 2. Sinife de vaz nêdano. / Dilbere 3. Sinifa xo qilêrin nêkena. / Ehmed 4. Wextê xo de yêno derse. / Roşna 5. Eke meseleyêk bibo, mamostayî haydar kena. / Serdar 6. Wextê xo de yêno wendegeh. / Roşan
Beşê 3. Demê wendene Goreyê melumatê corênî vera cumleyanê cêrênan herfa “R” (rast) yan zî “X”yî (xelet) binusîn. 1. Demo ke mamosta derse dano, Varan qisaya ey birneno. ( ) 2. Demo ke embazê Polatî qisey kenê, o goşdarîya înan keno. ( ) 3. Bawer heme qaydeyanê sinife ano ca. ( ) 4. Zelale qirşûqalan erzena dorûverê xo. ( ) 5. Fatma kel-melê embazanê xo bê destûr nêxebitnena. ( ) 6. Kerem kel-melê sinife bi baldarî xebitneno. ( )
.....
|