Dengê Metîn û Cudî

TÊBINÎ

Çendek ji helbestên vê dîwanê di rojname û kovaran de hatibûn belavkirin. Bi umêda çapkirina wan jî di dîwana ”Bilûra Çiyan” de. Lê pa mixabin bi windabûna destnivîsa ”Bilûra Çiyan” re, ew hêvî jî windabû. Ji lew re me ew çend parçe jî di vê dîwanê de çapkirin. Wek hel-besta ”Gurgo were xûnê bimêj” û ”Cejna aştî” ku yên berî bîst-sih salan e... Lê yên dî hemû ji sala 1990-93 hatine hûnandin...
Dixwazim bêjim jî ku ew destnivîsa windabûyî her dîsan ji tuxmê van helbetan e.
Ji lew re gerek e bêjim ku windabûna wan ne tiştekî giring e. Lê bê guman eger peyvek tenê jî, resen û nebelavbûyî di nav de hebit, ez bi zi-yanek mezin dizanim.

Sebrî Botanî
1993 Stockholm

Êdî bes e heta evro

Men huwe ela heq gelo
Muawiye yan jî Elo?
Ev bû dersa mizgefta min
Ji wê rojê heta evro

Hem derebe Zeydo Emro
Yanî Zeydo deyna Emro
Edî herdu man biheve
Ji wê rojê heta evro

Hem qeteltum, qeteltune
Ji bil vê qet tiştek tune
Her kuştin û talan e bes
Ji wê rojê heta evro
…..