Monologên Evînên Kedîkirî

Auteur :

Présentation	Table des Matières	Introduction	Identité	PDF
Monologên Evînên Kedîkirî Mem Bawer Weşanxaneya Bajar û gava me ji vî bajarî hez dikir darên wî zarok bûn mezin bûn kolan êdî me nikaribû hembêz bikira êvarên wî. Mem Bawer: Di 1973'yan de, li Bismila Amedê ji dayik bûye. Di 1997'an de Zankoya Dîcleyê, Para Perwerdehiyê kuta kiriye. Di helbestên xwe de li hêma û peyvên zarokatiya xwe ya veşartî digere û kirasê mîtolojiya Mezopotamyayê ji wan peyv û hêmayan re difesilîne. Monologên Evînên Kedîkirî dîwana wî ya yekemîn e.



XEWNA HELBESTÊN BÊMÊJÎ Neynik Çavên te neynikeke şikestî bûn di dilê min de. nebûna te dibû benekî bigirêk di qirika min de keserek bi baskên baz difiriya dihat li ser pûrtên sîngê min hêlînek çêdikir deng ji min dibiliya bûdîstekî dest bi ayînekê dikir di şevereşa min de mîna dojehê bişewat mîna şeytanekî birûmet û bi qasî xwedayekî ateîst bûm Ehrîmên di tariyê de ez xeniqandim ronahiya jiyana min tu yî ji reşahiya çavên xwe stêrkekê bide min yarê. .....