|
BINDINE RIKINKIRINÊ CERIBANDINA XEVATA ÇÊLEKDOŞÊD PÊŞ
Plênûma KM PKTS yanvarê nîşanda rêêd diha pêşdabirina malhebûna gundîtîêye sotsîalîstîê. Qirara plênûmê bûye programa xevatêye mezin bona zêdekirina derdayîna hasiletêd malhebûna gundîtîê. Xevatikarêd malhebûna gundîtîêye sotsîalîstîê bi xevata xweye nehêvşandî şerkarîê dikin bona pêşdanînêd zêdekirina derdayîna hevnan û hasiletêd heywanetzêdekirinê biqedînin ji wedê kivşkirî epêce zûtir.
Nava wê peykarêda ku diçe bona bilindkirina malhebûna gundîtîê, gihîştine destanînêd berbiçev gelek heywanetxweykirêd PSS Ermenîê. Çêlekdoş, şivan, gavan û temamîya xevatkarêd fêrmaêd kolxozaye heywanetzêdekirinê ketine leca sotsîalîstîê bona bilindkirina hasilet^dayîna heywanet.
Her fêrmek, çêlekdoşek û heywanetxweyîkirek peykarê dibe bona bi destanînêd xweye berbiçevva laîqî kandîdatîya Vîstavka malhebûna gundîtîêye hemtifaqîê be u ji wana gelek lzîqî wê hurmeta mezin bûne.
Kolxozêd û sovxozêd respûblîkaêda hene gelek çêlekdoşêd eyan kiîjanêd gihîştine destanînêd mezin û ji wede gele zûtir qedandine plana şîrstendinêye salewextê û pêykarê dikin bona xwestina partîaê û hukumatê derheqa zêdekirina derdaîna şîr biqedînin 2-3 sala ji wêde kivşkirî zûtir. Xevata gelek fêrmaêd û çêlekdoşêd eyan nîşan dide, wekî wextê rind teşkîlkirina xevatê, rikinkirina destanînêd ulm û cêribandina xevata pêş, pêşdanînêd zêdekirina derdayîna şîr û usa jî hemû hasiletêd malhebûna gundîtîê dikarin bêne qedandinê ji wedê kivşkirî gelekî zûtir. Çêlekdoşa sovxoza Porîêye heywanetzêdekirinê A. Hovhannîsyanê heta 1-ê îyûnê şîrdayîna çêlekêd teslîmî wê kirî bi hesavê orte gîhandîye 1869 kg. Fêrma wê sovxozêye N° 2, bi hesavêorte ji her çêlekekê dotîye 3486 kg şîr. Çewa temamîya fêrmaê, usa jî çelekdoşa bi nav hatine testîqkirinê kandîdatêd Vîstavka malhebûna gundîtîêye hemtifaqîê.
Kolxoza navê Stalîn nehîya Şahûmyanê hatîye testîqkirinê kandîdata Vîstavka malhebûna gundîtîêye hemtifaqîê bona wê yekê, wekî bi hesavê orte ji her çêlekekê stendine 3110 kg şîr.
Çêlekdoşa kolxoza gundê Elegezê nehîya Aparanê Zaka Keleş ji wêde gelek zûtir qedandîye plana şîrstendinêye salewextê.
.....
| 
