Warê Şêran

PÊŞGOTIN

Diyarî bo:
- Her mirovekê bi wijdan...
- Her zarokekê bê zirnan...
- Her dayikeka dilsotî...
- Her babekê perîşan...
- Her Kurdekê yêketîxaz...
- Her hevalekê wefadar...
- Her kesekê dilovan...
- Hergelekê bê hewar...
- Her hijarekê bê semyan...
- Her derbiderekê bê xodan...
- Her girtiyekê bê berevan...

Bengînê Zêbarî

Warê Şêran

Axlêve û avdarim "1"
Buhar û seyranim
Baxçe û gulistanim
Çiya û zozanim
Kwîstan û germiyanim
Landikim, hêzokim "2"
Landika jiyanê
Hêzoka viyanê
Agirê Newrozim
Siwarê bi tozim
Sersal û pîrozim
Kurdîno em kanê. .. I
Dîroka dêrîn
Dê hête nivîsîh
Bi pêtêt zêrîn
Bi laperêt rengîn
Dê bîte stiran û lavje
Bi awaz û peyvêt şirîn
Kurdîno em kanê... !
Kardox û Gotî me
Hêtît û Hewrî
Tofan û Codî me
Zobar û Nayrî
Mîtan û Mêdî me
Dasin û Mukrî
Kurdîno em kanê...