XWENDEVANÊN DİLSOZ!
Ev pirtûka Evîn Çiçek Xanimê, wekî rêz bi avayekî "Awaza serpêhatîyan-I-, -II- û -III-" hatiye nivîsîn û amadekirin. Em bi çapkirin û weşandina wan serbilind in.
Naveroka her sê pirtûkan jî ji kul, keser û evînîya welat hatîye hunandin. Zext û zilma dagirkeran û derbederiya penaberîyê, ceger û dil peritîya parçebûna ji malbatê bigre heya welat, belko gelên cîhanê û zikreşîya xwînxwarên mezîn devletan, bi dilê jinek, dayîkek û welatevînekî kurd bi penivîsa zêrîn hatîye şermezarkirin.
Ji tênegîhiştina cahiltiyê, hesûdîya nav xwe, heyanî fend, fêl û fitneya xêrnexwazan û desthilatdarî û xedarîya mêrên hovî jî daye ber rû û rûçikên wan. Ji mîskîntîya kevneperestîyê ku xwe gihandîye nav civaka me bigre, heyan polatîya şervanên ku canfîdane dane ber hev. ji neqişbûyî û erdnigarîya welatê şêrin, heyan ev potîna reşa ku li ser sînga me ye, bi berfirehî rewşa me bi piralîtî dîtîye, wêneyê me kurdan bi şêweyek helbestî derêxistîye ser kaxezê û nakokîyên me yên civatkî anîne danîne ber çevên me. Da ku bila xwendevanên hêja van pirtûkan bixwînin û xwe tê de bibînin!
Bila deste te sax, çavên te ronî, jiyana te dirêj, malbat û civata te bi bawer, bextewar û xwedî dewlet be. Her çi gor dile te û kurdewarî her para te be. Dostên te dilgeş û dilşad, dijmine te kor be. Ji bana wan xebat û keda te mala te bi hezaran carî ava be. Civata me/te li ser axa xwe, her bi aqil, serfîraz, serkeftî û bi ken, kêf, aştî û şadî be!
Weşanên Pêrî
Çûçika zer
Çûçika zer, tu dixwînî dixwînî Qey cîh tunebû? Hatî ser tayê ser serê min disekinî Ez dibêm, te jî fêm kir Tu xerîbî û bêkesîya min dibînî Hêlîna te Bê malîya min Azadîye te Girtîbûna min şahîya te Xemgîrîya min Dor tijîbûna te Tenêbûna min Bêmînetîya te Alîkarî hêvîkirina min Xwedibûna çêlikên te yên azad Bêxwarin mana berxên min Çûçika zer tu çi xweş difirî û dixwînî Bila dinê de koçberî nemîne Bêmal û bêwarîya min dilê min disojê Berxê ber dilê min dengê te bihîst Alîkî ve serê xwe hedî hedî zivirand ezmanan Hêla din ve pancikên xwe yên şilbûyî dadiweşînî Here here kêfxweşîya te bala wî jî dikişine Dibê; "daye xwezî ez jî wekî wan çûçikan azad bûma Min ê welat gund bi gund tevdana" Guhdarîya te dike Azadî û xwe bawerîya te dilê wê heland Bê minnetîya te ew qarand Nikare çavên xwe li te bigirê, ji jor ve serdike ..... |