Bayê Bakur

Jimartina roj û şevan

Roj û şevan dijmêre...
herwiha tiliyên xwe yên yek bi yek
di porê wê de diweşin.
hemû tiliyên nazik di deh rojan de winda kirin
roj bi roj porê wê
ji rê û çîrokên zivistanê dirêjtir dibû.
bê nav, bêyî ku tiştekî li şûn xwe bihêle
hat û winda bû.

tenê rê xûdana wî ya şor vedixwin û gavan dijmêrin...
nabêjin çima kenir nema tu îşê xwe ji axê tînin !

ku bê tu îşê xwe ji êgir nanîba î êgir tu îşê xwe
ji argunên dil nanîba
wê porê wê yî ji çemekî dirêjtir,
hemû qeyîkên zaroktiyê bigihandana beravan
babelîşk bişkandana û ba biloranda...

sal û birînan dijmêre, herwiha tiliyên nû şîn dibin
û porê wê ji barana wan salan tevan dirêjtir
ji tîrêjên rokê bi şewqtir
bi ser milên wê diherike.

nêzîk de wê ji guneh û giraniya gewdê xwe rizgar bibe
wê ewr di pêşwaziya giyanê wê de ji hev vekişin,
û ezman firehtir bibe
nêzîk de wê ji xwe rizgar bibe û bifire."