Kurd û Welatê wan Kurdistan

CELADET ALI BEDIRXAN: Di sala 1893an de li Stenbolê hatiye dinyayê. Neviyê Mir Bedirxan Paşa ye. Dibistana yekemîn a navin li Stenbolê xwend. Di Şerê Cîhan ê Yekemîn de di nav Artêşa Osmanî de li Eniya Kafkas bû. Piştî ku Împaratoriya Osmanî hilweşiya, ji bo yekitiya eşirên kurd pêk bine xebiti, lê bi ser neket. Di sala 1922an de tevi birayê xwe Kamiran Ali Bedirxan çû Almanya û li wir xwendina xwe domand. Di 1925an de derbasî Rojhilata Navin bû, pişti demekê li Kahire ma çû Sûrî û li wir bi cih bü. Li Binxetê bi Haco Axa û  ronakbirên din ên kurd re Xoybûn ava kirin. Di salên 30î de dest bi xebatên kulturî kir. Berpirsiyar û xwediyê kovara Hawar û Ronahî bû. Elfaba kurdi bi latinî çêkir. Li ser gramera kurdi xebatên gelekî giring kirin. Celadet Ali Bedirxan, di 15ê Tlrmeha 1951ê de li Şamê çû ser dilovaniya xwe.

Avesta, hemû berhemên Bedirxan ji nû ve diweşîne. Kitêbên ku çap bûne: Günlük Notlar (Amadekar: Malmîsanij, bi tirkî), De La Question Kurde / Kürt Sorunu Üzerine (bi frensî û tirkî), Were Dotmam (Şi`rên Hawarê), Kürtçe Gramer (tevî Roger Lescot), Edirne Sukütunun İç Yüzü (tevî Kamiran Bedirxan)

Berhemên Giştî ên Celadet Alî Bedirxan vê carê bi lêkolîneke kurdolojî didome: Kurd û Welatê Wan Kurdistan. Her xwendinek an jî lêgerînek a di nav rûpelên Hawarê de fikr û dîtinên nû dide mirov. Ev berhema di destê we de jî encama yek ji van xwendin û lêgerînan e. Ev berhevok aliyekî din ê Hawar / Celadet Alî Bedirxan derdixe ber çavan: Xebatên kurdolojî.