Azadî

Paul ÉLUARD, bi navê xwe yê rastî Eugène Émile Paul Grindel, di 1895an de li Saint-Denis (nêzîkê Parîsê) ji diya xwe bûye û di 1952an de jî miriye.

Di 1931ê de li dijî pêşengeha koloniyal a Parîsê derdikeve, di belavokek de wiha dinivîse : « Ger hun aştiyê bixwazin, şerê sivîl amade bikin ». Ji Partiya Komunist tê avêtin lê şerê xwe yê ji bo şoreşê didomîne, ji bo hemû şoreşan. Berdevkê surréalismê, dostê Breton û Picasso bû.

Li ser bonbebarankirina Guernica şiîra xwe ya bi navê Victoire de Guernica (Serfiraziya Guernicayê) dinivîse. Di salên şerê Îspanyayê de Eluard û Picasso ji hev naqetin. Şaîr ji yê resam re digot : « Tu bi tiliyên xwe alavan digrî û agir dinexşînî » Belafirên îngilîzan bi dehezaran nisxê şiîra wî ya Liberté (Azadî) davêjin ser Fransaya di şer de.