Pirtûkxaneya dîjîtal a kurdî (BNK)
Pêrgînî | Enstîtuya kurdî ya Parîsê | Têkilî  
Retour au resultats
Imprimer cette page

Mirina kalekî rind


Nivîskar :
Weşan : Orfeus Tarîx & Cîh : 1987-01-01, Stockholm
Pêşgotin : Rûpel : 136
Wergêr : ISBN : 91-87074-02-8
Ziman : KurdîEbad : 130x210 mm
Hejmara FIKP : Liv. Ku. 833Mijar : Wêje

Danasîn
 Naverok Pêşgotin Nasname PDF
Mirina kalekî rind

Mirina kalekî rind

Mehmed Uzun

Orfeus

Du mirov. Du ronakbîrên kurd; ronakbîrê destpêka 1900-î Kalo û ronakbîrê nûjen Serdar Azad. Jiyanên wan, hîs û serpêhatiyên wan, xewn û xeyalên wan, dan û standinên wan bi hev re û bi doralî re, dijwarî û berberiyên wan... Romana Mehmed Uzun Mirina Kalekî Rind li dor van kes, tişt û pirsiyaran tê pê.

Ronakbîrê nûjen Serdar Azad, penûs di desta de, li ber masê rûdine û ronakbîrê kevnare Kalo bi bîr tîne; gundekî biçûk û kalemêrekî ecêb. Kalo kî ye? Ew ji kû ye? Ew çi vedişêre? Serdar Azad, li milekî, ji xwendevanên xwe re behsa kalê ecêb û sirrtijî dike û li milekî jî, ew bi Kalo re dipeyive û jê re behsa xwe, hîsên xwe û zarotiya xwe dike.
Ango, roman, ne bi tenê, li ser du kesan tê pê, herweha ew bi du şêwan jî tê hûnandin.

Mirov dikare Kalo weke rûpeleke jibîrbûyî ji dîroka Kurdîstanê bibîne, Serdar Azad û jiyan, hîs, daxwaz û bîranînên wî jî, weke mirovekî kurd yê nûjen û jiyana wî... Ji ber ku kes, bûyer û peywendiyên romanê herçend şexsî û taybetî bin, ew ewçend jî gelemper in.

Mehmed Uzun, 1953, ji Kurdîstana Bakûr e. Piştî cunta leşkerî li Turkiyê, 1970, ew hat girtin. Bi qasî du salan, ew li girtîxanên Diyarbekrê û Ankarê ma. Di sala 1976 an de, gava kovara Rizgarî dest bi weşînê kir, Mehmed Uzun bû berpirsiyarê kovarê. Ji ber vê yekê jî, ew hat girtin û 8 meh li girtîxana Ankarê ma. Di dawiya 1977 an de, ew hat Swêdê. Li Swêdê, wî berpirsiyariya kovara Rizgariya Kurdistanê kir, 1979-81.

Mirina Kalekî Rind romana Mehmed Uzun ya duwemîn e. Romana wî ya yekemîn Tu di sala 1985 an de derket.

Omslag: Ingela Jondell


Hemû Berhêm
VisionneuseMirina kalekî rind
Visionneuse n'a pas trouvé le document
Ji nû ve bikaranîna nebazirganî ya van berheman, di çarçova rêzlêgirtina qanûnên likar û bi taybetî jî diyarkirina jêderan de, serbest û belaş e.



Weqfa-Enstîtuya kurdî ya Parîsê © 2024
PIRTÛKXANE
Agahiyên bikêr
Agahiyên Hiqûqî
PROJE
Dîrok & agahî
Hevpar
LÎSTE
Mijar
Nivîskar
Weşan
Ziman
Kovar