Derengî bajêr weha diniqutim nimêja navê te

Derengî bajêr weha diniqutim nimêja navê te

Hoşeng Broka

Pêrî

Berî ku yar rêyan ji pêkên hicrika navê xwe;
a ku berê wê her li keska navê wî;
yê ji poşmaniya avê
û gulgenimên gunehan,
bi çend gulberojan û bi çend sêvan,
bi çend "Bûkên Baranê"
û "Bûkên Mîra",
û bi çend kewan (1969),
li aliyê ku Xwedê lê,
her bakur û her başûr;
her rojhilat û her rojava;
û her toz
û her kew
û her sînor,
rojê bîst û pênc kathejmêran
bêriya mirina xwe dikir,
bi ser ve çûye