Kurdî 7, Zazakî
Kadri Yıldırım
MEB
Nameyê mi Zana yo. Ez sinifa hewtine de wanena. Ez wazena wendegehê xo şima rê bida naskerdene. Nameyê wendegehê mi Wendegehê Mîyanên yê Ehmedê Xasî yo. Wendegehê mi mîyanê Dêrsimî de yo. O ditebeq o. Wendegehî de sinifî, kitabxane. laboratuwar, embar. odaya mudirî. odaya hetkarê mudirî, odaya mamostayan, salona sporî û salona konferansî esté. Ganî ma sinifa teknoloji xo vîr ra nêkîy. Sewbîna zî her di tebeqan de seba wendekaran destşok û destawxane esté. La destşok û destawxaneyê mamostayan yê wendekaran ra cîya yê. Sebake mamabênan de çîyê werdiş û şimirîşî biherînîy û biwerîy kantîna ma esta. Seba seveknayena belgeyanê resmîyan odayêka arşîvî zî esta.
Kitabxaneyê ma hetê kitaban ra gelek zengîn o. Tede her bêj kitabî esté: Hîkayeyî, romanî, ansîklopedîyê çeşît-çeşîtî, kitabê sîyasî, tarîxî, teknîkî û sewbina. .. Ez her roje şina kitabxane. uca kitaban wanena û wezîfeyanê xo virazena. Ez kitabxane de vengé xo qet berz nêkena ke hevalê mi nerehet nêbîn. Ez ge-ge kitabxane ra kitaban bi emanetî gêna û wanena. Ez kitaban wextê xo de apey dana kitabxaneyî.
Wendegehî de heşt sinifi esté. Çunke wendegeho mîyanên çar serrî yo û her sinife di beşan ra ... | 
