Diyarbakır Salnâmeleri - V

Diyarbakır Salnâmeleri - V

Ömer Tellioğlu

Diyarbakır Büyük Șehir Belediyesi

Asr-ı celîl-i mehasîn-delil-i mülûkâneleri terakkiyât-ı maddiye ve maneviye-i İslâmiye ve Osmaniye’nin cilvegâh-ı zuhûru olmakla me’ser-i ulviye-i şehin-şahîleri tevârîh-i milliyemizin en parlak sahâifini teşkil eden padişah-ı fâ-rûk-câh ve şehriyâr-ı âlem-penâh, halife-i Resul-i Ekrem, metbû‘-ı mukaddes ve mufahham veli-nimet-i bî-minnet-i a'zam şevketlü kudretlü es-Sultan İbnü’s-Sultan es-Sultan el-Gazi Abdülhamid Han-ı Sânî efendimiz hazretlerinin sâ-ye-i maarif-vâye-i cenâb-ı zıllullahîlerinde Diyarbekir vilayetinin resmî gazetesi muntazaman sâha-ârâ-yı intişâr olmakta bulunduğu gibi meymenet-efzâ-yı hulûl olan Bin Üç Yüz On Sekizinci Sene-i Hicriyesi Sâlnâmesi dahi on yedinci defa olmak ve sinîn-i sâbıkada neşrolunan nüshalardan daha ziyade malumat-ı müfîdeyi hâvi bulunmak üzere bi’t-tertib tab‘ ve neşrolundu.
Hemen cenab-ı Hallâk-ı bî-zevâl ve âferînende-i mâh u sâl, zıll-ı akdesi ve Resul-i Ekrem’inin halife-i mukaddesi olan padişah-ı hamîdi’l-hisâl ve şehriyâr-ı ferah-fâl padişahımız efendimiz hazretlerini ilâ-kıyâmi’s-sâ‘a bi’l-izzi ve’l-âfiye dîhîm-ârâ-yı şevket ve iclâl buyursun. Amin, bi-hürmet-i seyyidi’l-mürselîn.
Sene-i Arabiyye 1318 / Sene-i Maliye 1316
....