Nûbihar, n° 99

Nûbihar
hejmar 99, sal 14, cild 11

Roja îro nexweşî, tevlihevî, şer û pevçûnên li rûyê erdê bi piranî ji cîhana îslamî bilind dibin... Ji Fasê bigre hetanî Endonezyayê tevlîhevî û alozîyên heyî, ev xelk tev perîşan kirine. Helbet ji vê perîşanîyê her xelk di eynî sewîyê de para xwe nastlne; di vê cîhanê de yên ku rewşa wan baş e û dixwazin ku ev halê kambax bi vî hawî bidome jî hene.

Di nav xelkên dunyayê de tu cîh biqasî vê cîhanê paş de nemaye. Di dunyayê de di nav sed cîhên paşdemayî de para pirtir ya dewlet û xelkên misliman e. Di warê edebîyatê, hiqûqê û zanînê de tu kesek tuneye ku di dunyayê de nav bide... Li cîhê teralî hebe ev dunya, ji xwe re xebatê nake adet... Li rojhilata navîn ma çi zêdeyîya Israîlê heye ku ew erdê beyar kirîye cîhê jîyanê û li dunyayê dewletek ku dilê meriv dibijîyê ava kirîye? Tu dewlet biqasî Israîlê qîmetê nade xelkê xwe jî. Li rojhilata navîn tenê li Israîlê parlementoyek bi esasî heye, hilbijartinên bi pirpartî û partîyên ku di nav hev de bi awayeke demokratîk îqtîdarê parve dikin hene...